Враќање во убавите времиња: Музиката од Македонските народни приказни

Старите добри Македонски народни приказни. Причината поради која се будевме порано, бидејќи беа задолжителна порција за гледачите, како во летната, така и во зимската рекреативна програма.

Колку пати имам задоцнето втора смена на училиште само за да ја догледам приказната и да видам како жената го пукнала ѓаволот, колку пари ќе пронајде Гоце Тодоровски во грнето и како сиромавиот ќе ги прескокнува скалите за да не ги потроши.

Се воодушевуваме на изведбата на Ѓорѓи Колозов како Господ, Попот или Кадијата, покрај подеднакво квалитетната екипа на старите македонски народни приказни.

Убави времиња, нели? Заедно со „Весела математика“ и „Бушава азбука“, Македонските народни приказни остануваат во трајно наследство кое не ни здосадува и после 50-тото репризирање.

Но, дали знаете чија е музиката која се провлекува низ многу епизоди на приказните?

Станува збор за турскиот автор, поет, музичар и композитор Омер Зулфу Ливанели, роден 1946 година, кој се смета за една од највлијателните уметници и интелектуалци на неговото време.

Неговите книги се добитници на бројни награди, како во рамките на матичната земја, така и во светски рамки.

Ливанели е автор на повеќе од 300 композиции, а конкретно овие беа дел од музиката на Македонските народни приказни.

Сигурно ќе ви се вратат многу спомени од детството и минатото на едно прекрасно време.

Слушнете ги и уживајте.

(О)Милена | Црнобело