Стефан Лазаров за CRNOBELO лексикон: „Ми ja дупнаа главата со стап како дете“

Детали

петок, 29 декември 2023

Се сеќавате ли на лексиконите што ги пополнувавме во училиште, но криевме кој ни е симпатија и дали веќе сме го имале првиот бакнеж? А толку многу сакавме да знаеме дали му се допаѓаме на оној/онаа што ни се допаѓа нам. Своите тајни ни ги откри Стефан Лазаров во првиот CRNOBELO лексикон.

Прашањата од лексиконот се одличен начин да дознаеме нешто повеќе и за нашите омилени личности од јавниот живот.

Првиот CRNOBELO лексикон го одговара јутјуберот Стефан Лазаров, кој откри како му се викала првата симпатија, се сеќава ли на првиот бакнеж, дали некогаш се степал...

1. Како се викаш и дали имаш прекар?

Стефан, порано ме викаа Стеф, сега Лазаров.

2. Колку години имаш и што си во хороскоп?

26, Рак (18 јули 1997).

3. Која ти е омилена песна? Пејач и пејачка?

„Да полетам“ - Слаткар.

4. А омилена книга?

„Гол човек“ од Игор Џамбазов.

5. Омилен глумец, глумица, филм, серија?

Бред Пит, Troy, Squid Game.

6. Имаш ли омилен спорт, клуб, спортист? За кого навиваш?

Фудбал, FC Barcelona, Меси.

7. Имаш ли милениче? Како се вика?

Имам куче, бишон. Се вика Нала.

8. Кој ти е среќен број?

5.

9. Кој ти е омилен виц?

Стварно немам...

10. Кој ти е омилениот пијалак? А храна?

Протеин со овес, замрзнато овошје и цимет. Од храна – лазањи.

11. Кој ти е најдобар другар/ка? Колку долго се дружите?

Васил Мандаровски, повеќе од 5 години.

12.  Каков ученик беше? Кој ти беше омилен предмет?

Во предметите што ме интересираа бев добар. Сакав многу математика, но омилен ми беше физичко.

13. Кој ти е идол, а да не е позната личност?

Немам.

14. Кога би можел да си лик од цртаните, кој лик би сакал да бидеш?

Супермен.

15. Најголема беља што си ја направил во детството?

Искршив стакло од врата додека игравме фудбал, не бев многу немирно дете во принцип.

16. Дали некогаш си се степал?

Ми се има случено, да. Во трето одделение додека игравме фудбал се степав со соученик и мајка ми ме префрли во друго одделение. Ми ја дупнаа главата со стап, ха, ха, ха.

17. Што правиш во слободно време?

Немам слободно време годинава...

18. Ако имаш времеплов, во кое доба би сакал да се вратиш?

Не би сакал да се вратам, супер ми е во моментот во којшто живеам.

19. Што немаш, а би сакал да имаш?

Куќа, убав двор, две дечиња. Но, ќе си дојде и тоа за некоја година.

20. Дали досега си бил вљубен? Во кого?

Па со оглед на тоа дека имам веќе и сопруга, одговорот е Марта.

21. Кој ти беше прв симпатија? Знаеш ли каде е денес и што прави во животот?

Се вика Вики, искрено не знам каде е и што прави. Од основно ја немам видено.

22. Се сеќаваш ли на првиот бакнеж? Каков беше?

Беше срамежлив. Повеќе се срамев јас, се скривме во паркот зад мојата зграда и откако се случи потоа ми беше срам да седиме заедно на клупа. Дете смотано...

23. Како ти се викаше првата девојка?

Марта.

24. Која песна те потсетува на неа?

Мојата песна, „Ти“.

Што би го прашал ти сопственикот на овој лексикон (CRNOBELO.com)?

Стефан: Која од јавните личности ви е најинтересна за интервју?

CRNOBELO.com: Оние кои секогаш со задоволство откриваат нешто ексклузивно за нашиот сајт.

©CRNOBELO.com Забрането преземање и копирање. Крадењето на авторски текстови е казниво со закон.

Е. П. | Црнобело