„Ако те чеша лева рака ќе земеш пари“ и уште 11 народни верувања кои ни ги пренесоа бабите

Кога икате - некој ве озборува, а ако ве чеша окото - ќе видите некого... Кои се народните верувања во вашиот крај, кои ви ги пренеле вашите мајки и баби?

Бабите, но и нашите мајки често имаат логични објаснувања за некои „нелогични“ работи, но ние веруваме во нив.

Скоро и да не постои некој што нема да ви каже дека ќе земе пари бидејќи го чешала левата рака, или дека некој го озборува затоа што му се зацрвениле ушите.

Колку и да делуваат наивно и неверојатно, овие народни верувања кои се пренесуваат со генерации се супер забавни, па најверојатно сите ние ќе ги пренесеме на генерациите после нас.

Дали сте слушнале за сите овие верувања? Какви други постојат во вашиот крај? 

1. Ако ве чеша носот - ќе се скарате со некого.

2. Ако икате - некој „ве зборува“.

3. Ако ве чеша окото, тогаш ќе видите некого.

4. Ако ве чеша ногата - ќе патувате.

5. Кога ве чеша лева рака, ќе земете пари.

6. А, ако ве чеша десната, тогаш ќе давате пари.

7. Ако ви се зацрвенат ушите - некој ве озборува.

8. Ако ви зујат ушите - ќе слушнете некој глас.

9. Ако ви „игра“ окото - ќе видите некој или ќе се случи нешто лошо.

10. Ако ви падне трепка на лицето - замислете си желба.

11. Ако ви падне виљушка или нож на земја - ќе ви дојдат гости.

12. Ако ставите чинија плус на масата, ќе дојде некој неповикан.

А. Ј. | Црнобело