Лесно е да критикуваш, оди направи го!
Спонзорирано од:
Спонзорирано од ОгласиЗаРабота.мк
Референт 23-08-2019


Лесно е да критикуваш, оди направи го!

Зборови полни пакост е лесно да се испратат. Само отвори ја устата и извади ја надвор таа твоја црна душа.

lesno-e-da-kritikuvash-odi-napravi-go-01.jpg

Многу сме „силни“. За плукање први.

Да кажеме што не чини? Тоа ни е омилено хоби!

Да направиме ние нешто? Еее тука веќе сме тивки.

За тоа треба кликер, одлучност, идеја, време, труд, а да се плукне е лесно.

Зборови полни пакост е лесно да се испратат. Само отвори ја устата и извади ја надвор таа твоја црна душа.

Посеј злоба, рашири негативна енергија, демотивирај сè и секој кој за разлика од тебе се труди да направи нешто во животот и потоа легни си мирно.

Твоето сиво мизерно животче пополни си го кажувајќи колку другите се никакви и не ги бива, а во огледало не се гледај никако.

Губи си го времето на туѓите животи, додека тие си ги живеат своите.

Троши си го времето „мрчејќи ги нив“ и тоа нека ти биде главен начин на забава.

Кога си дозволи да се претвориш во вакво патетично суштество?

Кога почна да имаш свое мислење и за тоа што треба и за тоа што не треба? И таму кај што е побарано, а нааааајмногу таму каде што не е побарано од тебе.

Таму најслатко ти е да си го пикаш носот, затоа што часовите од денот се премногу, а ти без фантазија што да правиш со нив.

Животот го потроши сеејќи злоба за други, наместо правејќи си себе убаво да ти биде на душичката.

Јасно е дека ти не мислиш на своето добро, туку на туѓото зло и трагично е што тоа те исполнува.

Едвај чекаш некој да потфрли и гордо да изјавиш: „Ех, реков јас“, но и да не потфрли тој некој ти пак немаш грижа затоа што имаш „капацитет“ да смилиш што можел да направи подобро.

А ти да се сетиш нешто да направиш за својот живот? А сета енергија да си ја вложиш во себе, па да пробаш да мрднеш од таа нулта точка?

Заќути и насмеј се, те молам - не боли...

Ќе биде подобро... верувај ми!

©CRNOBELO.com Забрането преземање и копирање. Крадењето на авторски текстови е казниво со закон.

Автор: С. С. | Црнобело

Би можело да ве интересира:

„Има дете“ - „Да му е живо и здраво, само не знам од диско како го рас... Додека жена му го чува детето дома, тој живее како ерген во најдобрите денови. З...
Немаш ли 500 евра за во плико, не си печен да бидеш кум Пред неколку години, пријател од друштвото нè замоли да му бидеме кумови. Ние, с...
Патишта крпени, ќе тргнеш на пат – ќе завршиш во ендек: Имаш ли сила д... Имаш ли сила да се бориш со ветерници? Ти остана ли малку верба дека работите не...