Еден ден ќе паднат сите маски и ќе сфатите дека не треба да се задоволувате со трошки

Можеби еден ден ќе одлучите дека нема да бидете добри и послушни само за да им се допаднете на другите луѓе…

Дека ќе престанете да верувате во празните зборови зад кои нема вистински дела.

Дека можеби оние „животни“ вредности со коишто ве израснаа не се оние според кои сакате да се водите во животот… и дека тоа е во ред.

Можеби ќе одлучите да престанете да се приспособувате кон луѓето со цел да добиете мала трошка љубов или внимание…

И да го прифатите фактот дека животот што сте го живееле досега можеби бил само бледа слика на оној што сакате навистина да го живеете… некоја чудна илузија.

И дека стравот е причината поради која толку долго сте прифаќале многу помалку од она што вистински го заслужувате… а длабоко во себе знаете дека заслужувате многу повеќе.

Можеби ќе дојде времето кога ќе сфатите дека „љубовта“ која ви ја давале нарекувајќи ја безусловна е во принцип условно–манипулирање… и дека љубов немало никогаш…

Па ќе престанете конечно да се обвинувате затоа што сте поверувале во неа поради желбата да бидете искрено сакани…

Еден ден ќе паднат сите маски. Тоа ќе се случи тогаш кога ќе бидете подготвени да ги видите вистинските лица. И доволни силни да ја прифатите голата вистина изнесена на виделина. Затоа што таа на почетокот боли… додека не сфатите дека има своја поента и цел.

Да ве ослободи.

Затоа кога ќе се случи тоа, немојте да се противите. Не прашувајте зошто и како. Едноставно прифатете ја. Со сознанието дека сега сте подготвени за погорното скалило… ниво 2.

Чекор подалеку од нив, него, неа… но затоа, чекор поблиску до себеси. Можеби поблиску отколку кога и да било.

И тогаш, ветете си една работа. Дека никогаш повеќе нема да се задоволите со трошки. Дека никогаш повеќе нема да бидете она што не сте, само за да добиете ронка нечие внимание. И дека од тој момент па натаму ќе си останете верни себеси.

И тогаш ќе сфатите дека оној што навистина ве сака ќе биде искрено воодушевен. Првенствено вие самите.

А тие другите, не ви се потребни. ♥️

Извор