Мали мудрости на кои може да нè научат само нашите мајки

Мајка ми велеше: „Ако веќе разговараш со оние што не те сакаат, тогаш тоа нека биде со добро вино“.

Кому, ако не на нашите мајки, треба да сме им благодарни за тие мали мудрости што ги добиваме во текот на нашите животи...

Кога бев мала, мајка ми ми велеше: „Не биди себична и споделувај сè со твоите пријатели, но секогаш имај на ум кој доаѓа кај тебе само за бонбони. Тој не ти е пријател“.

Кога си играв во песокот, мајка ми ми велеше: „Ако јадеш песок, нема да има место за сладолед“.

Додека одев на училиште, мајка ми ми велеше: „Учи дете за да го правиш тоа што сакаш, а не тоа што мораш“.

Кога ме запиша во музичко училиште, мајка ми ми рече: „Играњето во дворот ќе заврши за неколку години, но музичкото образование ќе ти остане засекогаш“.

Кога ме запиша на балет, мајка ми ми рече: „Не мора да станеш балерина, но правилното држење ќе ти даде карактер и 10cm висина“.

Мајка ми во младоста ми велеше: „Љубовта е прекрасна, но пред сè научи да се сакаш себеси“.

Мајка ми велеше: „Ако веќе разговараш со оние што не те сакаат, тогаш тоа нека биде со добро вино“.

Кога плачев, мајка ми велеше: „Кого сожалуваш? Себеси? Извлечи заклучоци! Од останатото пред време ќе добиеш брчки“.

Кога се разведував, мајка ми ми рече: „Човечки е да се греши, но важно е да се исправат грешките. Сега мора да го фрлиш стариот капут и да купиш нов“.

Мама ми велеше: „Додека сум жива ќе се справиме со сè заедно, но еден ден ќе мораш без мене“.

Мајка ми цел живот ми велеше: „Не го давај последното што го имаш, не зависи. Давај го само она што можеш и сметај најмногу на себе“.

Знам дека не бев секогаш идеална ќерка, но мајка ми секогаш ми велеше: „Се гордеам со тебе, мое најдобро и најмило дете!“

Извор