Неповторливи, незаменливи и никогаш заборавени - 26 години од појавата на легендарните К-15
Спонзорирано од:
Спонзорирано од ОгласиЗаРабота.мк


Неповторливи, незаменливи и никогаш заборавени - 26 години од појавата на легендарните К-15

Незаборавени ликови, смеа до солзи, а всушност толку вистинити пораки во кои се пронаоѓа секој поединец кој некогаш згазнал на ова наше мало парче земја.

Nepovtorlivi-nezamenlivi-i-nikogash-zaboraveni-26-godini-od-pojavata-na-legendarnite-K-15 01 630x340.jpg

Никој не го умееше тоа подобро од едните и единствени, незаменливите: К-15.

Тројца „човеци“ - како што би рекол Цацко, кои имаа моќ да сплотат илјадници луѓе пред малите екрани и без разлика на етничките, верските, културно-општествени разлики, за миг да ги избришат сите секојдневни проблеми и да „нацртаат“ насмевки.

К-15 е дефинитивно досега најпопуларното македонско хумористично телевизиско шоу, составено од голем број на хумористично-сатирични скечови на македонски јазик.

Исто така, кон оригиналноста на овој телевизиски формат придонесуваат богатствата на јазикот, односно дијалектите.

Телевизиското шоу К-15 започнува да се снима во средината на 1990-те години, а првата епизода е емитувана на 23 ноември, 1994-та година на телевизијата А1.

Подоцна оваа телевизиска платформа се емитува и на Сител, МТВ и Канал 5 Телевизија, за на крајот да отвори свој телевизиски канал.

За многу кратко време ова ТВ трио успева да ги придобие симпатиите од својата публика зад малите екрани.

Епизодите продолжуваат да се снимаат, а зад нивната брилијантност стојат маестралните: Васко Тодоров, Љупчо „Бубо“ Каров, и Бранко Огњановски.

Nepovtorlivi-nezamenlivi-i-nikogash-zaboraveni-26-godini-od-pojavata-na-legendarnite-K-15 02 630x420.jpg

Бранко Огњановски го гледаме во улогата на незаборавниот Миле Паника, карактеристичен по честата употреба на југословенските изрази, неговите светкави сакоа и очилата со големи рамки.

Го гледаме и во ликот на Блажо, стереотипичен македонски земјоделец од Струмичко-Радовишкиот крај, во Охриѓанецот преку кој вешто ја прикажува стереотипната нетрпеливост кон скопјаните, во ликот на Зоран, Албанецот преку кој се дава сатирична критика на меѓуетничките односи меѓу Албанците и најчесто Македонците.

Исто така, Бранко својот разновиден талент го покажува преку ликовите на Гркот и Џони Џанак, преку кој е прикажан типичниот македонски наркоман.

Nepovtorlivi-nezamenlivi-i-nikogash-zaboraveni-26-godini-od-pojavata-na-legendarnite-K-15 03 630x400.jpg

Васко Тодоров ја зазема улогата на фасцинантниот Тошо Малерот, кој е олицетворение на типичен „скопски мангуп“ кому среќата ретко му се насмевнува.

Карактеристичен по употребата на сленгови, а негов омлиен и најчест е сленгот „батка“.

Васко го гледаме и во улогите на Ристо („разбираш“), сопатникот на Блажо кој исто така доаѓа од Струмичко-Радовишкиот крај и во улогата на скопскиот полицаец.

Nepovtorlivi-nezamenlivi-i-nikogash-zaboraveni-26-godini-od-pojavata-na-legendarnite-K-15 04 630x400.jpg

Последниот од извонредното Дуо Трио, таканаречениот хумор во движење, Бубо Каров кој со својот специфичен кавадаречки дијалект умееше да ја насмее како старата, така и најмладата популација.

Nepovtorlivi-nezamenlivi-i-nikogash-zaboraveni-26-godini-od-pojavata-na-legendarnite-K-15 05 630x400.jpg

Nepovtorlivi-nezamenlivi-i-nikogash-zaboraveni-26-godini-od-pojavata-na-legendarnite-K-15 06 630x400.jpg

Низ големиот број на епизоди овие тројца генијалци ги „урнаа“ сите табу-теми и на совршен начин исмејувајќи, ги разоткрија сите маани и несовршености во нашето општество.

Иако во 2012-та К-15 јавно го обелодени својот крај, сите ние често знаеме да се потсетиме на нивните скечеви гледајќи ги на нивниот јутуб канал.

Nepovtorlivi-nezamenlivi-i-nikogash-zaboraveni-26-godini-od-pojavata-na-legendarnite-K-15 07 630x400.jpg

Во продолжение ве потсетуваме на неколку од нив:

„Буби го боле меот“

„Сељак на годината“

„Они се добри играчи“

„Крај на школската година“ 

„Тошо и Цацко на базен“

Продолжува на следната страна... 



Би можело да ве интересира:

Можеш ти жено сè што ќе посакаш, само немој да венееш покрај лошиот маж Што сè постигнува една жена, знае само таа, иако често и не е свесна за своите м...
„Самата си го бараше затоа што беше провокативно облечена“ Колку пати сте ја слушнале оваа неандерталска изјава поврзана како констатација ...
Не дај Боже да имам ќерка! Петок, ставив мек, топол кроасан во чинијата, неколку парчиња кашкавал и си став...

Најчитани неделава