Беше суров професионалец и затоа сите ја мразеа – тоа е Македонија

Таа ја работи својата професија со елан на почетник и страст на човек кој ја работи својата работа од соништата.

Таа почитува рокови, па дури и светот да е во пламен.

Таа предано ги извршува обврските, не остава ништо за последен миг.

Таа ги турка и другите да фатат темпо и да се збогуваат со летаргијата.

Таа е суров професионалец, но сите ја перципираат како лош човек поради принципиелноста во работењето и не потклекнувањето на притисоци, врски, непотизам и што уште не.

Таа е пример како треба да изгледа еден работник.

Таа треба да биде идол на многумина.

Таа е двигател и личност која неуморно работи на тоа да се придвижат процесите во нашата држава.

Таа сака правдина, заслужена плата, функционирање во согласност со законите и зададените обврски.

Но, за жал тоа во Македонија не се цени.

Тука таа е окарактеризирана како жена без живот.

Жена огорчена.

Жена што лечи фрустрации.

Жена што се изживува со другите.

Не, не, не... Таа е суров професионалец од кој многумина може многу да научат.

Барем половина од кадарот во нашата држава да беше таков, компаниите ќе цветаа.

Само во Македонија не се ценат посветените и предани работници и се чудиме што е проблемот кога ќе наидеме на таква личност.

Изгледа затоа сме таму каде што сме...

©CRNOBELO.com Забрането преземање и копирање. Крадењето на авторски текстови е казниво со закон.

С. С. | Црнобело