Зошто Виктор Апостоловски ми е фаворит за Евровизија?

Ме тера да играм, ми се допаѓа динамиката, ритамот ми е заразен и мене тоа ми е рецептот за на Евровизија, ме потсетува на Верка Сердучка од Украина од Евровизија 2007... И секој има право на свое мислење, зарем не? Кој е вашиот фаворит?

Не знам за вас, но јас за првпат се вљубив на прва во македонска песна предложена за да нè претставува на Евровизија и тоа во „Супермен“ на Виктор Апосотоловски.

Ме тера да играм! Ритамот ми е заразен, има експлозија од енергија, ми звучи модернистички, свежо, динамично, едноставно ми изгледа како вистински рецепт за на Евровизија.

Нешто сосема поинакво од нас. Нешто што малку ме потсети на динамиката на песната „Dancing Lasha Tumbai“ со која Верка Сердучка од Украина се појави на Евровизија во 2007 година и остави силен впечаток.

Верувам дека и Виктор Апостоловски би оставил силен впечаток. Некако со неговиот симпатичен танц на најавното видео ми изгледа доволно луд (ова во најпозитивната смисла на зборот) да има совршен настап на сцената.

Доколу биде избран, се надевам дека тимот ќе му осмисли нешто уникатно и спектакуларно и дека тој ќе ја донесе песната на одличен начин на евровизиската сцена. Го има тој X фактор во себе!

Зошто еднаш и ние да не пробаме со игра на карта на динамика на „catchy“ песна?

„Енергијата е топ“, „Ова е супер забавно“, „Оваа песна ме прави зависен, ја слушам постојано“ се само дел од коментарите под песната на YouTube.

Се разбира, на социјалните мрежи има и многу негативни коментари, но кога нешто е навистина впечатливо, тогаш мислењата секогаш се поделени.

И тоа е важно, песната на Евровизија да потттикне дебата, да биде запомнета, да ви разбуди емоции, да ви даде енергија... А за мене „Супермен“ е сето тоа и многу повеќе. Па, нека се зборува, зошто да не?

Се разбира, ова е само мое мислење и едвај чекам да го чујам вашето...

Кој е вашиот фаворит?

Содржината и ставовите изразени во авторските текстови и колумни претставуваат лични ставови на авторот и не мора нужно да ги одразуваат ставовите на редакцијата на порталот CRNOBELO.com

©CRNOBELO.com Забрането преземање и копирање. Крадењето на авторски текстови е казниво со закон.

С. С. | Црнобело