„Научив дека разликата помеѓу бајка и кошмар лежи во 5 години брак“

„Со него неделните ручеци станаа бојно поле, па колку и да зготвев вкусно, залаците ми застануваа во грлото....“

Даниела Нела Боровњак oд Хрватска е писателка и на својот Инстаграм профил постојано споделува редови откинати од срце.

Една од нејзините моќни објави гласи:

„Со него научив многу... Научив на пример дека разликата помеѓу бајка и кошмар лежи во 5 години брак.

Бракот ми ја расипа фантазијата. Прво не можев да го замислам остатокот од животот без него.

Потоа, не можев да го замислам остатокот од животот со него.

Почнав постојано да менувам нешто. Фризура, мебел, хоби... Тоа беше губење на време.

Затоа што тоа што јас всушност сакав да го променам спиеше покрај мене, во длабок и мирен сон.

Неделните ручеци станаа бојно поле, па колку и да зготвев вкусно, залаците ми застануваа во грлото.

Престанав да правам десерт, се плашев да не се задавиме.

Мислев дека животот е поедноставен кога со некој го делиш.

Но, тој мене ме научи дека сè можам сама.

Не ја запаметив љубовта, но ја запаметив лекцијата“.

Прочитајте и „Ја сретнав првата љубов, пред некој ден, бремена“

С. С. | Црнобело