Детали од животот на Пауло Коелјо: Родителите го сместиле во институција за душевно болни затоа што сакал да биде писател

Во 1974-та година бил уапсен од тогашната бразилска милиција заради „субверзивни“ активности, инспирирани од сатанистичкото движење на Алистер Кроули, што во тоа време се сметале за опасни по општеството. Милицајците го ставиле во автомобил и го однеле на тајна локација каде го измачувале со електрошокови на гениталиите.

Тој вели дека тоа било трауматично искуство и дека неколку години подоцна се справувал со стравот што следел. Токму заради тоа искуство, подоцна ќе одлучи да се вклучи во повеќе здруженија за заштита на човековите и граѓанските права.

Првото издание на неговиот најпопуларен роман „Алхемичарот“ било објавено во 1988-ма година во тираж од само 900 примероци. Но, заради малиот интерес, издавачката куќа решила дека романот нема да добие второ издание.

Дури откако во 1994-та година бил објавен романот „Брида“ од друга поголема издавачка куќа, и интересот за „Алхемичарот“ пораснал.

Непосредно пред смртта на Коби Брајант, Пауло Коелјо заедно со него работел на книга за деца. Но, по ненадејната смрт на кошаркарската легенда, Пауло се откажал од проектот и рече дека нема смисла да продолжи да работи без него.

Денес важи за еден од најпознатите, но и најбогатите писатели на сите времиња. Половина од годината тој и неговата сопруга Кристина Оитисика ја поминуваат во неговиот стан со поглед на плажата Копакабана во Бразил, а втората половина во неговата куќа на француските Пиринеи.

„Да имаш пари е супер, затоа што можеш да го правиш она што сметаш дека тебе ти е важно. Јас отсекогаш сум бил богат човек, затоа што парите не се поврзуваат со среќата“ – вели тој.

Б. С. Б. | Црнобело