8 факти кои се доказ дека нема ништо почудно од човечкото тело

Ако кивате кога гледате во сонце, тогаш сте наследиле генетска особина што ја немаат сите.

За човечкото тело треба да откриеме уште многу работи, а она што го знаеме досега, само ни потврдува дека е навистина комплексна машина која не престанува да изненадува.

Неколку факти што го потврдуваат ова:

На црвенокосите луѓе им треба поголема доза анестезија

Неколку истражувања, иако мали, покажале дека на луѓето со природно црвена коса им треба и до 20% поголема доза анестезија за да има ист ефект како луѓе со друга боја на косата.

Тие се поотпорни и на локална, и на општа анестезија, а се претпоставува дека причината за ова е поради ген што го имаат само тие. Односно, можно е генот што им ја дава црвената коса некако да е поврзан со чувствителноста на болка.

Иако ова е тема што уште се истражува, ако сте црвенокоси, немојте да се плашите бидејќи анестезиолозите се искусни во она што го прават и секогаш ќе ја добиете дозата што ви е потребна вам.

Има синдром познат како Алиса во Земјата на чудата

Ова е навистина ретко невролошко нарушување кое има влијание врз перцепцијата на телото и опкружувањето.

Луѓето кои го имаат ова нарушување може да ги перципираат нивните или туѓите делови од телото како поголеми, помали или да им делуваат чудно, искривено.

Не е познато што точно го предизвикува синдромот, а нема ни лек, но постојат терапии кои можат да ги контролираат другите симптоми што ги предизвикува, како главоболка.

Кога се отстранува тетоважа со ласер, мастилото се исфрла преку урината

Ласерите за отстранување тетоважи не го горат или уништуваат мастилото, туку го разградуваат во многу ситни честички.

Потоа, лимфниот систем ги апсорбира овие честички, па минуваат низ филтрите на телото, односно бубрезите и црниот дроб.

Одовде, постепено се исфрлаат од телото преку урината, но и преку потта и изметот.

Луѓето се раѓаат само со 2 стравови

Сите ние се плашиме од многу работи – од инсекти, змии, војни, болка, смрт… Но, интересно е што сето ова се стравови што ги учиме во текот на животот, а се раѓаме само со два – страв од паѓање и страв од многу гласен звук.

За разлика од другите стравови што ги стекнуваме со искуство, овие два се како програмирани во нашите мозоци.

Токму и затоа малите бебиња можат да изгледаат бестрашно, но ако слушнат гласен звук или ако мислат дека паѓаат, делуваат исплашено.

Продолжува на следната страница...