Детали од животот на Пауло Коелјо: Родителите го сместиле во институција за душевно болни затоа што сакал да биде писател

На 17 години родителите го однеле во институција за душевно болни затоа што сакал да биде писател, тогашната бразилска милиција го измачувала со електрошокови во гениталиите и вели дека тоа му е најтрауматичното искуство во животот – факти за Пауло Коелјо, еден од најпознатите писатели на денешницата.

„Алхемичарот“, „Захир“, „Единаесет минути“... Ова се само мал дел од романите на бразилскиот писател Пауло Колејо (75) кој важи за еден од најпродаваните автори на сите времиња, а неговата животна приказна е фасцинантна како и оние на ликовите за коишто тој пишува.

Во продолжение неколку интересни факти за писателот што можеби не сте ги знаеле:

Пауло Коелјо е роден на 24-ти август 1947-ма година во Рио де Жанеиро, во Бразил, а како дете се образувал во строго, религиозно језуитско училиште.

Уште од најмала возраст Пауло сакал да биде писател, а мајка му, кога слушнала за овие негови амбиции, му рекла:

„Мило мое, татко ти е инженер. Тој е логичен, разумен човек со многу јасен поглед кон светот. Јасно ли ти е што значи да бидеш писател?“

Неговите родители биле подготвени да направат сѐ за младиот Пауло да не ги оствари своите амбиции, па така кога имал 17 години, одлучиле да го сместат во институција за душевно болни за да го оттргнат од помислата да стане писател.

Младиот Пауло трипати се обидел да побегне од Институцијата, но не носи гнев и горчина за тоа што му го правеле родителите. Напротив, во една прилика отворено застана во нивна одбрана, па рече:

„Моите родители мислеа дека имам психоза. Тоа беше и официјалната дијагноза. Во тој период читав многу, бев многу срамежлив и не сакав премногу да се дружам со луѓе.

Моите родители беа очајни. Тие не сакаа да ме повредат, но не знаеја што треба да направат.

Јас им простив. Тие не го направија тоа за да ме уништат, туку за да ме спасат. Како што вообичаено се случува во љубовта, кога сакаш некого, посакуваш таа личност да се промени, да биде како тебе. Затоа љубовта може да биде многу деструктивна.“

По излегувањето од Институцијата, Коелјо на барање на родителите, се запишал на Правен факултет, но се откажал за да му се придружи на хипи движењето, по што неколку години пишувал текстови за познат бразилски рок изведувач.

Продолжува на следната страница...