Беше зависен од лекови и пластични операции, го обвинуваа за педофилија – Факти за Мајкл Џексон

Мајкл Џексон е најголемата музичка ѕвезда на сите времиња, а неговиот живот е исполнет со многу контроверзии. Покрај обвиненијата за сексуално малтретирање деца, пејачот имаше огромни долгови и беше зависен од лекови и пластични операции.

Мајкл Џексон, неретко нарекуван и „Кралот на поп-музиката“ остави огромен белег во музичката индустрија. И покрај големиот успех, се чини дека целиот живот пејачот го следеа скандали.

Најпрво, на многумина не им беше јасно како неговата кожа стана бела, а честопати беше критикуван и за пластичните операции.

Можеби најголемата дамка во животот на Мајкл Џексон се обвинувањата за сексуално малтретирање деца, поради кои заврши и на суд.

Пејачот се бореше со зависност од лекови, кон крајот на животот имаше сериозни финансиски проблеми, а неговата ненадејна смрт долго беше тема на дискусија.

Во продолжение, неколку факти за животот на Мајкл Џексон:

Кариерата ја почна со бенд со неговите браќа

Мајкл Џексон бил најмладиот (и најталентираниот) од неговите четворица браќа.

Бидејќи сите пет деца покажувале талент за музика, татко им Џозеф ги натерал да направат група – Jackson 5.

Поради забавните песни и енергичните кореографии, детската група беше огромен хит на почетокот на 1970-тите.

Но, како што растел, гласот на Мајкл се менувал и станувал позрел, па во семејството се јавила напнатост.

Групата се растури во 1975 година, а секој од браќата Џексон почна соло кариера.

И нивната сестра – Џенет Џексон – го следеше нивниот чекор.

Имал тешко детство

Покрај тоа што постојано имал работни обврски поради популарноста на Jackson 5, Мајкл Џексон трпел малтретирање од неговиот татко.

Во интервју, самиот има изјавено дека сонувал за нормално детство:

„Го гледав паркот преку улица. Но, јас требаш да одам во студио и да работам до доцна навечер.

Ги гледав децата со солзи во очите и си велев: ’Заробен сум и треба да го работам ова до крајот на мојот живот‘“.

Пејачот има изјавено и дека немал пријатели – се чувствувал осамено и голем дел од времето само седел и плачел во неговата соба.

Мајкл почна да зборува за малтретирањето што го трпел од татко му дури пред неговата смрт. Татко му сакал тој и неговите браќа да работат понапорно, па често ги „мотивирал“ со тепање.

„Само ќе ме фрлеше на подот и ќе ме удреше најсилно што може“, изјави пејачот.

Еден од неговите браќа сподели повеќе детали за малтретирањето во интервју за ABC News:

„Ни викаше: ’Се грижам за вас. Дури и ако треба да ве истепам, се грижам за вас‘“.

Стана огромна ѕвезда уште со првиот соло-албум

За разлика од браќата, Мајкл Џексон брзо се проби во светот на музиката.

Неговиот прв албум од 1979 година доживеа неочекуван успех и стана најпродаваниот за таа година.

Со култната песна Thriller, Мајкл си ја заработи добрата репутација во музичката индустрија и набрзо стана светски познат.

До 1984 година, тој веќе беше познат како „Кралот на поп-музиката“.

Имаше витилиго и се верува дека бил зависен од пластични операции

Со годините, кожата на Мајкл Џексон стануваше сè посветла. За јавноста ова беше знак дека тој не сака да биде Афроамериканец и дека намерно си ја избелува.

Сепак, подоцна се дозна дека пејачот всушност имал витилиго. И, со цел да си го изедначи тенот, користел третман одобрен од лекар.

Пејачот имаше направено пластична операција на носот, а самиот тврдеше дека направил само две процедури.

Сепак, извори блиски до него тврдеа дека станува збор за многу повеќе операции.

Пејачот првпат направил пластична операција по инцидент кој се случил додека снимал реклама за Pepsi.

За време на снимањето, настанала пиротехничка грешка која предизвикала експлозија. Пејачот се запалил и се здобил со тешки изгореници на лицето и скалпот.

Срамежливоста му создавала проблеми

Фановите на пејачот се запознаени со фактот дека тој беше многу срамежлива личност. Но, малкумина знаат какво влијание имало ова врз него.

Самиот пејач има изјавено дека поради срамежливоста, постојано се чувствувал осамено. Па, во домот се опкружувал со кукли.

„Ги купив бидејќи ми требаа луѓе, ми требаше кој било. Но, бев премногу срамежлив да се опкружам со вистински луѓе“.

Продолжува на следната страница...