Двапати имаше рак на дојка, беше во брак со нејзиниот телохранител: Факти за пејачката Анастасија

И покрај бројните проблеми со здравјето, како Кроновата болест и двете дијагнози за рак на дојката, американската пејачка Анастасија изгради успешна кариера, а активна е и денес. Се сеќавате на нејзините хитови од 2000-тите?

Анастасија е американска пејачка која беше една од најголемите музички ѕвезди во раните 2000-ти.

Со хитовите како I’m Outta Love и Left Outside Alone, но и специфичниот глас и очилата за сонце што ѝ станаа заштитен знак, извесен период Анастасија беше најслушаната американска пејачка.

Иако денес можеби не ја ужива истата популарност, Анастасија уште се занимава со пеење, а служи и како инспирација за бројни жени поради многуте проблеми со здравјето што ги надмина.

Неколку факти за животот на Анастасија, но и што прави денес:

Родена е во 1968 година во Чикаго

Татко ѝ на Анастасија бил пејач кој настапувал во клубови, додека мајка ѝ била актерка на Бродвеј.

Кога пејачката имала пет години, нејзините родители се разделиле, односно татко ѝ го напуштил семејството.

Никогаш не го подобрила односот со татко ѝ

Наводно, тој сакал да стапи во контактот со неа откако станала позната, но Анастасија одбила.

„Немам желба да го знам татко ми. Брат ми, сестра ми и јас го заборавиме и не сме зборувале со него многу години.

Никогаш не стапил во контакт со нас откако се разделија со мајка ни“, има изјавено пејачката во интервју во 2004-та.

Татко ѝ почина следната година.

На 13 години била дијагностицирана со Кронова болест

Низ годините, пејачката се соочи со бројни проблеми со здравјето.

Најпрво ѝ била дијагностицирана Кронова болест, кога имала само 13 години.

Ова е хронична болест која предизвикува воспаление на дигестивниот систем, а поради неа, пејачката речиси ќе завршела во инвалидска количка.

Но, не дозволила дијагнозата да ја запре во намерата да стане успешна.

Ја почнала кариерата како танчарка

Во 1983 година, Анастасија сонувала да стане танчарка и се фокусирала на тоа.

Станала релативно успешна, но во 1987-ма, повторно ѝ се влошиле симптомите од Кроновата болест.

По кратка пауза, Анастасија се појавила во неколку популарни музички спотови и почнала да се прославува уште повеќе.

Извесен период била придружен вокал

На почетокот на 1990-тите, Анастасија почнала да се занимава и со пеење и била придружен вокал на неколку познати музичари.

Во 1992-ра првпат настапила како соло изведувач и за помалку од една деценија, успева да стане најпознатата американска пејачка.

Продолжува на следната страница...