„Најсилните души се раѓаат од страдањето“ – Моќни цитати од Калил Џибран што ќе ви ја кренат самодовербата веднаш

„Постојат луѓе што даруваат со радост и таа радост е нивната награда“ – рекол либанскиот поет Калил Џибран.

Либанскиот поет, филозоф и уметник Калил Џибран напишал над 30 книги, а негово најпознато дело е „Пророкот“, кое е преведено и на македонски јазик.

Неговите текстови фасцинираат со повеќеслојноста, но и со мудроста со која изобилуваат.

Во продолжение издвојуваме 10 негови цитати, во кои веруваме дека секој може да се пронајде и кои веднаш ќе ви ја вратат самодовербата, па дури и ако во моментот не се чувствувате најдобро.

Проследете ги:

1. Најсилните души се раѓаат од страдањето. Најсилните личности се прекриени со лузни;

2. Од тие што многу зборуваат научив да молчам, од тие што се нетолерантни научив да толерирам, и од нељубезните научив да бидам љубезен. Сепак, не сум им благодарен на овие учители;

3. Чувствителноста и љубезноста не се знаци на слабост и очај, туку манифестација на сила и одлучност;

4. Пријателството секогаш е слатка одговорност, а не можност (за напредување);

5. Ако срцето ти е како вулкан, како можеш да очекуваш во него да цветаат цвеќиња?;

6. Мудроста престанува да биде мудрост во оној миг кога е премногу горда за да заплаче, премногу сериозна за да се насмее, и премногу себична за да им верува на другите освен на себеси;

7. Постојат луѓе што даруваат со радост и таа радост е нивната награда;

8. Копнежот за удобност кришум влегува во куќата како гостин, потоа станува домаќин, а на крајот господар;

9. Сами си ја избираме радоста и тагата, долго време пред да ја искусиме;

10. Ако му ги кажете тајните на ветрот, не треба да го обвинувате затоа што им ги раскажал на дрвјата.

Б. С. Б. | Црнобело