Трогателни цитати кои ќе ве потсетат дека не сте сами во вашата тага

„Колективната болка нè потсетува дека не сме сами и дека нашето скршено срце е поврзано со секое срце кое искусило болка“.

Загубата на сакана личност е едно од најтешките нешта со коишто можеме да се соочиме.

Кога станува збор за голема трагедија, како пожарот во дискотеката во Кочани, болката е уште поголема и дури и ние да не сме изгубиле некој близок, се сочувствуваме со тагата на другите.

Неколку трогателни цитати кои ќе ве потсетат дека не сте сами додека тагувате:

„Колективната болка нема да нè спаси од тагата, туку нè прави присутни. Овие мигови нè потсетуваат дека не сме сами во нашата темнина и дека нашето скршено срце е поврзано со секое срце кое искусило болка“ – Брене Браун.

„Нашето молчење за тагата не ни е од корист. Не можеме да закрепнеме ако не можеме да тагуваме. Не можеме да простиме ако не тагуваме. Бегаме од тагата бидејќи ни е страв од загуба, но нашите срца сакаат да тагуваат бидејќи скршените делчиња сакаат да се спојат“ – Брене Браун.

„Болно е да се живее откако некој ќе умре. Болно е да станете од кревет или да го отворите фрижидерот. Болно е да облечете чорапи, да си ги измете забите. Храната нема вкус. Музиката боли, исто како и сеќавањата.

Ќе погледнете кон нешто убаво – како зајдисонце или детска радост – но и тоа само ја продлабочува загубата. Тагувањето може да направи да се чувствувате осамено“ – Мишел Обама.

„Тагувањето е како океан, доаѓа во бранови. Некогаш водата е мирна, но некогаш е бурна. Сè ние што можеме да направиме е да научиме да пливаме“ – Вики Харисон.

„Тагата е цената што ја плаќаме за љубовта“ – кралицата Елизабета Втора.

„Кога ќе умре личност што ја сакате, неочекувано, не ја губите таа личност одеднаш. Губите делчиња од неа на долг период – престануваат да стигаат писма за неа, нејзиниот мирис испарува од перниците, дури и од облеката во гардероберот.

Постепено ги акумулирате делчињата од неа што повеќе ги нема. И, тогаш ќе дојде ден кога ќе почувствувате дека таа личност ја нема, засекогаш“ – Џон Ирвинг.

„Доволно знам за загуба за да сфатам дека никогаш не престанува да ви недостасува некој – само учите да живеете со големата дупка од неговото отсуство“ – Алисон Ноел.

„Тагата си го менува обликот, но никогаш не исчезнува“ – Киану Ривс.

„Тагата е чудно нешто – многу сме беспомошни пред неа. Тагата е како прозорец кој се отвора кога сака. Собата станува студена, а ние не можеме да направиме ништо освен да се тресеме од студ.

Но, секојпат прозорецот се отвора сè помалку и помалку…“ – Артур Голден.

„Кога некој што го сакаш станува спомен, тој спомен станува богатство“ – непознат автор.

Спирова С. | Црнобело