Има биполарно нарушување, 2 пати заврши во затвор: Факти за скандалозниот син на Томи Хилфигер

Не му одеше најдобро со музичката кариера

И покрај соработката со ѕвезди како Канје Вест и The Weeknd, музичката кариера на Ричард како постојано да стои во место.

Голем удел во ова има и фактот што татко му е моќна личност, па многумина мислат дека само пробува да си ја купи кариерата, без да покаже некаков талент.

Кога, пак, беше критикуван, возвраќаше остро, неретко и со пцости и навреди, а ова воопшто не му помогна да напредне.

Беше во врска со Рита Ора

Во 2014 година, Ричард почна врска со Рита Ора, а тој период се огласи негова бивша девојка која кажа сè најлошо за раперот.

„Рики е чудна личност – затворен е и најмногу сака да пуши марихуана и да пие пиво. Опседнат е со секс и само сака богата девојка за да не мора да работи и да може да патува со приватни авиони.

Ричард е лош дечко за Рита, но и за која било девојка. Би ја предупредила да внимава“.

Околу шест месеци подоцна, се јавија гласини дека се разделиле, а подоцна извор близок до нив ги потврди вестите.

Иако изворот тврдеше дека раскинале поради многуте работни обврски, некои велат дека Рита постојано флертувала со други мажи и раскинале поради тоа.

Неуспешно пробуваше да се пробие и во модната индустрија

Во 2016 година, Ричард одлучи да ги следи стапките на татко му, па лансира своја модна линија.

Но, и покрај влијанието на татко му во светот на модата, брендот не постигна некој значаен успех.

Низ годините, имаше и други судири со законот и проблеми со зависност

Раперот вели дека рехабилитацијата му создала повеќе проблеми отколку што му помогнала.

„Од центарот за рехабилитација ме ослободија условно – цела година, трипати неделно ми ја тестираа урината за марихуана.

Па, тогаш почнав да користам други работи, како лекови и алкохол, иако претходно никогаш не го правев тоа. Кога се будев наутро, најпрво пиев пиво за да се смирам, а немав ни 21 година“, има изјавено Ричард.

Тој вели дека почнал да пие и седативи и опијати кои не му биле препишани. Но, тврди дека успеал да се ослободи од овие пороци.

Сепак, уште се соочуваше со проблематично однесување – во 2015 година нападнал маж од обезбедување откако не му дозволил да влезе во ноќен клуб во Флорида.

Бил уапсен и се соочил со неколку обвиненија, вклучувајќи и поседување дрога.

Но, татко му повторно го искористил своето влијание, па јавноста дозна за инцидентот многу подоцна.

Спирова С. | Црнобело