Има биполарно нарушување, 2 пати заврши во затвор: Факти за скандалозниот син на Томи Хилфигер

Најпознатото дете на дизајнерот Томи Хилфигер е Ричард, познат и како Рики Хил. Покрај не баш успешната музичка, но и модна кариера, тој има проблеми со менталното здравје кои пробувал да ги лекува сам, со дрога и алкохол.

Модниот дизајнер Томи Хилфигер е основач на една од најпознатите луксузни модни куќи. Кариерата ја почнал во 1970-тите и до денес ужива репутација на еден од најплодните дизајнери.

Томи трипати застанал пред олтар и од 2008 година е во брак со третата сопруга – дизајнерката Ди Оклепо.

Има пет биолошки деца, од кои сите се држат настрана од јавност, освен син му Ричард кој е музичар.

Но, 35-годишниот Ричард, познат и како Рики Хил, привлекува многу повеќе внимание со скандалозното однесување, отколку со музиката.

Неколку факти за проблематичниот син на познатиот режисер:

Има биполарно нарушување и АДХД

Во основно, Ричард честопати имал проблеми со наставниците и соучениците поради однесувањето. Подоцна добил дијагноза за биполарно нарушување и АДХД, со што се утврдила причината за неговото проблематично однесување.

На почетокот добивал терапија препишана од психијатар, но има откриено дека постепено престанал да ја пие и почнал самиот да се „лекува“ со дрога.

Бил отфрлен од врсниците на училиште

Иако татко му е еден од најпознатите дизајнери на планетата, Ричард не бил воопшто популарен на училиште.

Вели дека покрај проблематичното однесување, децата го избегнувале и бидејќи покажувал интерес за мода и бил полничок, но и бидејќи сакал хип-хоп музика.

„Не одев во приватно училиште, но сепак беше училиште со добра репутација. Сепак, тој период слушав хип-хоп музика, а на соучениците тоа им пречеше. Ме исмејуваа“.

Поминал два месеца на рехабилитација

Кога прекинал да ја пие препишаната терапија, Ричард почнал да користи марихуана, а бил и уапсен за поседување.

Поминал една ноќ во затвор, бил ослободен со кауција од 20.000 долари, а благодарение на врските на татко му, не му било отворено досие.

Набрзо потоа, Ричард отиде и на рехабилитација – искуство што наводно му го променило животот.

„Беше лошо момче. Си имаше проблеми, но кога отиде на рехабилитација, сфати дека е време да си го промени животот.

Знаеше дека можеше да заврши во затвор и ова не е лесен период за него и неговото семејство“, изјави тогаш извор близок до Ричард.

Продолжува на следната страница...