10 факти поради кои ќе посакате да имате куче

Познато е дека кучето е најдобар пријател на човекот. Но, овие животни се повеќе од другари и некој со кој ќе го поминете слободното време. К

учињата се суштества кои прават неверојатни работи со кои го заслужуваат нашето воодушевување.

1. Кучињата ја чувствуваат човечката тага

Кучето побрзо ќе му пријде на човек кој пати или плаче, отколку на оној кој е смирен. Тие чувствуваат емпатија и сакаат да им помогнат и да ги утешат тажните луѓе.

2. Кучињата може да откријат рак

Благодарение на нивното сетило за мирис, се покажало дека кучињата можат да откријат рак кај луѓето во нивна близина, со точност од 70% до 99%.

3. Кучињата можат да почувствуваат напад пред да се случи

Неколку часа пред пациентите да добијат епилептичен напад, кучињата можат да насетат и да ги предупредат.

4. Кучињата го намалуваат стресот на работа

Оние кои имаат можност своите кучиња да ги носат и на работното место, се многу посмирени и со помал стрес бидејќи кучињата ги расположуваат и им го намалуваат стресот.

5. Кучињата го чуваат здравјето на децата

Уште една спроведена студија покажала дека бебињата кои се опкружени со кучиња во својот домот се поздрави. Кај децата без домашни миленичиња се почести настинките, алергиите и инфекциите. Се смета дека причината за тоа е што кучињата обожуваат да се валкаат во прашина, а со тоа го зајакнуваат имунитетот на децата.

6. Кучињата помагаат да ја одржите кондицијата

Децата кои имаат кучиња се поактивни и почесто вежбаат од оние кои немаат. Трчањето со куче е забавно, а кучињата помагаат и мотивираат.

7. Кучињата откриваат ниско ниво на шеќер во крвта

Нивното сетило за мирис е помоќно отколку што мислите. Тие може да намирисаат дури и шеќер во крвта. Можат да предупредат дека некому му е низок шеќерот или лаат за да повикаат помош ако некој има напад. Кучињата така имаат спасено многу дијабетичари.

8. Кучињата ве штитат од алергии

Кучињата може да бидат тренирани за да откриваат одредена алергија. Доколку сопственикот е алергичен на млеко, кучето ќе го предупреди ако го намириса тоа во храната која треба тој  да ја изеде.

9. Кучињата им помагаат на луѓето да се социјализираат

Кучињата функционираат како „друштвени катализатори“ кои им помагаат на луѓето почесто да излегуваат, да комуницираат и да не се изолираат.

10. Кучињата спречуваат појава на егзема кај децата

Децата помлади од една година кои имаат куче се помалку склони кон развивање хронични кожни болести.