За да го дочекаш денот, мора да поминеш низ ноќта – 11 цитати на Калил Џибран

Авторот на „Пророкот“ и „Скршени крилја“ се вбројува во еден од најлиричните поети на сите времиња.

Калил Џибран, американско-либански уметник во своите дела спојува парадоксални, сосема спротивни нешта – љубовта и смртта, силното и нежното, пеколот и рајот, насладувањето и болката.

Џибран ги вплеткува во неверојатна хармонија. Искажувањето му е нежно и глатко и невозможно е да не се вљубите во неговиот начин на изразување.

На прв поглед Џибран пишува за љубовта, но тој силно зборува и за животот и сите негови видливи и невидливи делови – општеството, власта, трудот и вредностите.

За неговите книги се вели дека носат просветлување.

И еве го доказот зошто тоа навистина е така:

 1. Ако сакате некого, пуштете го да си оди. Ако се врати, секогаш ви припаѓал вам. А ако не се врати, никогаш и не бил ваш.

 2. Ги одбираме нашите радости и таги многу порано пред да ги доживееме.

 3. Тешко на народ што не подига глас освен на погреб, кој покажува почит само на гробот, кој чека да се побуни дури тогаш кога мечот му е под грлото.

 4. Стојте заедно, но сепак не премногу заедно, и столбовите на храмот стојат одвоено, а дабот и кипаристот не растат во сенката на другиот.

 5. Само кога си се напил од реката на тишината, вистински ќе запееш.

 6. Вие сте лакови од кои вашите деца како живи стрели се отпуштаат во иднината.

 7. Каде можам да пронајдам човек кој управува со разумот, наместо со навиките и нагоните.

 8. Претпочитам да сум сонувач меѓу најскромните со визија на остварување, отколку да бидам господ меѓу оние кои немаат ниту соништа ниту желби.

 9. Еден ден ќе ме прашаш што е поважно? Мојот живот или твојот? Јас ќе кажам мојот, а ти ќе се оддалечиш без да знаеш дека ти си мојот живот.

10. Дарежливост е кога даваш повеќе отколку што можеш, гордост е кога земаш помалку отколку што ти треба.

11. За да го дочекаш денот, мора да поминеш низ ноќта.

(О)Милена | Црнобело