Кратки реченици кои се поемотивни од цели книги

Ернест Хемингвеј е авторот на најкратката приказна која само со шест зборови успева да го скрши сечие срце – „Се продаваат бебешки чевли, никогаш носени“.

Оваа негова приказна инспирирала многу автори да го копираат неговиот стил и да допрат до самата срж на човечкото срце само со неколку зборови.

Блогот „Six Word Stories“ е местото каде можете да прочитате многу вакви приказни, без разлика дали тие се дело на познати писатели или на целосни анонимуси.

Ова се некои од најдобрите:

1. „Гугл, зошто ли сум толку осамен?“

2. „Странци. Пријатели. Најдобри пријатели. Љубовници. Странци.“

3. „Таа е песна; тој не знае да чита.“

4. „Мама ме научи како да се бричам.“

5. „Најмалите ковчези се најтешки.“

6. „Ја замислував зрелоста; созреав; ја изгубив имагинацијата.“

7. „И јас те сакам“ – излажа таа.

8. „Сири, избриши ја мама од именикот.“

9. „Поставено прашање, негативен одговор, вратен прстен.“

10. „Ќе се видиме утре“ – најпознатите последно кажани зборови.“

11. „Земав рози за дома. Клучевите не одговараа на бравата.“

М. С. | Црнобело