„Заминувам пред да бидам оставена“: Цитати од иконата на сексапилот, Брижит Бардо

Брижит Бардо, била вистински секс симбол во 50-ите и 60-ите години. Откако се повлекла од глумата, таа станала активист за правата на животните.

Остана вистински културен феномен, а нејзината слава никогаш не престана да ја прогонува иако како што таа самата кажувала, ја презирала и дека никогаш не била добра актерка.

Еве неколку мудрости од познатата сензуална актерка:

1. Мажите се ѕверови и дури ѕверовите не се однесуваат како нив.

2. Не можам да го правам истото нешто секоја вечер, истите гестови. Тоа е како да ги облекувам истите валкани гаќи секој ден.

3. Славата ми донесе толку многу несреќа.

4. Јас бев многу добро девојче израснато во добро семејство. Еден ден го свртев грбот на сè и почнав да живеам боемски.

5. Жените стануваат многу понесреќни колку повеќе пробуваат да бидат целосно слободни.

6. Ја дадов убавината и младоста на мажите. Ќе ја дадам староста и мудроста на животните.

7. Во демократско општество секој мора да има право да се изјасни и тоа е токму тоа што јас го правам. Дури и ако предизвикува незадоволство.

8. Оставив еден свет во кој бев кралица за да живеам во свет во кој сум само обичен човек.

9. Жената што ги направила и што глумела во тие филмови не сум јас, тоа е некоја друга.

10. Мојата слободна и дива страна ги вознемируваше некои, но пробиваше низ други.

11. Нема ништо поубаво од драга стара жена која станува се помудра со годините.

12. Секогаш кажувам што мислам и го мислам тоа што го кажувам.

13. Ја укинавме смртната казна за луѓето, па зошто таа треба да продолжи за животните?

14. Тие може да ме нарекуваат грешник, но јас сум во мир со самата себе.

15. Животните никогаш не ме издале. Тие се лесна жртва, како што бев јас во текот на мојата кариера. Затоа и се чувствуваме исто. Ги сакам.

16. Заминувам пред да бидам оставена. Јас одлучувам.

17. Разбрав дека најважните работи во животот се добродушност и љубезност. Не можам да живеам без тоа.

18. Дали мора да имате причина за да сакате?

19. Никогаш не размислувам додека водам љубов.

20. Сум била многу среќна, многу богата, многу убава, многу позната, многу ми ласкале и многу несреќна.

А. В. | Црнобело