Кајли има лузна од жмурка, Рајан Гослинг ѝ е симпатија на Кендал: 10 факти за сестрите Џенер

Големото семејство веќе една деценија доминира на телевизиските екрани, а најмладите сестри пораснаа пред камерите и будното око на јавноста. Сепак, со исклучок на страстните обожаватели на реалното шоу, постојат занимливости за Кајли и Кендал, кои малкумина ги знаат.

Кон средината на октомври ќе биде десетгодишнината од емитувањето на првата епизода на реалното шоу „Keeping Up With The Kardashians“.

Најмладите членки на семејството, Кајли и Кендал, тогаш имаа 10 и 12 години. Пред камерите ги решаваа домашните задачи и говореа за нивните први симпатии, израснувајќи во едни од најголемите ѕвезди на денешницата.

Иако нивната постара сестра Ким Кардашијан и понатаму е неприкосновена царица во светот на забавата, двете ѝ се вистинска конкуренција за преземање на тронот.

Малку се нештата кои може да ве изненадат за најпознатите сестри во моментот. Сепак, постојат и неколку занимливи факти, кои повеќето луѓе веројатно не ги знаат за нив.

Во продолжение, проверете колку добро навистина ги познавате Кајли и Кендал:

1. Кајли Џенер е осма најследена личност на Instagram. На популарната социјална мрежа има 98 милиони следбеници. Кендал, пак, се наоѓа на 11-тото место, а ја следат 84 милиони корисници.

2. Кајли Џенер има голема лузна на левото бедро. Ја здобила на петгодишна возраст, додека со сестра ѝ Кендал играле криенка, при што таа се повредила на остра шипка.

3. Мајли Сајрус ѝ е модна инспирација на Кендал Џенер. За стилот на пејачката, таа вели дека претставува симбол за бестрашност.

4. Од мали нозе, Кајли Џенер мечтае да стане глумица. Нејзината желба е да завладее со Холивуд. Кендал, пак, веќе ги освои модните писти.

5. Средното име на Кендал Џенер ѝ е Никол. На Кајли, пак, средното име ѝ е Кристен.

6. Омилените филмови на Кендал Џенер се „The Notebook“ и „Moulin Rouge“. Воедно, актерот Рајан Гослинг е нејзината славна симпатија.

7. Со 179 сантиметри, Кендал Џенер е највисоката сестра во целото семејство. Висината на Кајли, пак, изнесува 168 сантиметри.

8. Во училишните денови, Кендал Џенер ги лажела своите врсници дека на третиот кат од куќата имаат лавови и многу скапоцени камења. Веројатно, сакала да воспостави доминација уште од прво одделение.

9. Вкусот на чоколадо не им е баш најомилен на сестрите Џенер. Кендал мрази сладолед од чоколадо, а Кајли не сака чоколадна торта.

10. Кајли Џенер е кралица на Snapchat. Таа е најгледаната личност на оваа социјална мрежа.

М. А. | Црнобело