„Насмевката е убав збор без букви“ - 14 арапски народни мудрости

„Парите се добри како слуга, но не и како господар“ и уште 13 интересни арапски народни мудрости.

Арапите важат за мудри луѓе и нивните зборови допираат до срцето. Па, зошто да не научиме нешто од нив?

Интересни арапски народни мудрости:

„Детето си игра со животот додека е мало, а потоа животот си игра со него кога ќе порасне.“

„На вљубениот да му давате совет е исто како да се обидувате да полните кафез со ветер или сито со вода.“

„Парите се добри како слуга, но не и како господар.“

„Големината на твојот ум раѓа завидливци, големината на твоето срце раѓа пријатели.“

„За некој да љубиме совршено, треба да го љубиме така како да ќе умреме утре.“

„Господар си им на зборовите кои не си ги изговорил, а роб на оние кои си ги изговорил.“

„Четири работи не може да се вратат: изговорен збор, исфрлена стрела, поминат живот и пропуштена пригода.“

„Победата над слабите е пораз.“

„Бракот е како тврдина - кој е надвор сака да влезе, а кој е внатре сака да излезе.“

„Ако сакаш сите да те мразат, кажи му ја на секој вистината во лице.“

„Брзај за да го направиш тоа што можеш, затоа што нема да можеш секогаш.“

„Опасноста и задоволството растат на иста гранка.“

„Занемари нешто вредно и веднаш ќе се најде некој да ти го украде.“

„Насмевката е убав збор без букви.“

С. С. | Црнобело