„Кучињата никогаш не ме каснале, само луѓе“ - Мудри цитати од Мерилин Монро

Мерилин Монро (1926 - 1962) или Норма Џин Бејкер, била американска актерка, пејачка, манекенка и танчерка. Глумела во многу успешни холивудски филмови во 50-тите години на минатиот век.

Иако се сметала за секс симбол, Мерилин Монро размислувала и ја споделувала својата мудрост со фановите.

Ова се некои од најубавите цитати на Мерилин Монро:

„Верувам дека сè се случува со причина! Луѓето се менуваат за да научите да ги пуштите. Работите не одат добро, за да знаете да процените кога сте во право. Верувате во лаги, за да научите дека не треба да верувате на никој, само на себе.“

„Јас сум себична, нетрпелива и малку несигурна. Понекогаш правам грешки, а понекогаш немам контрола. Но ако не можете да ме издржите кога сум најлоша, сигурно не ме заслужувате кога сум најдобра.“

„Убавината е во несовршеноста. Лудилото е генијално и подобро е да се биде апсолутно смешен отколку апсолутно досаден.“

„Холивуд е место кое ќе ви плати илјада долари за бакнеж и педесет центи за вашата душа. Знам, бидејќи ја отфрлив првата понуда доволно пати и сè уште се држам до втората.“

„На жените кои се стремат да бидат еднакви со мажите им недостига амбиција. Не ми пречи да живеам во машки свет, сè додека можам да бидам жена во него.“

„Ако ги почитував сите правила, никогаш немаше да стигнам до тука.“

„Кучињата никогаш не ме каснале. Само луѓе.“

Ашера | Црнобело