Тајна венчавка со Скарлет Јохансон, лош почеток во Холивуд - Помалку познати факти за Рајан Рејнолдс

Двојни состаноци со Блејк Лајвли

Додека биле пријатели, Блејк и Рајан се гледале со други луѓе. Тој период решиле да одат на двоен состанок, но целата вечер ја поминале разговарајќи и флертувајќи еден со друг.

Наскоро сфатиле дека помеѓу нив има нешто повеќе од пријателство.

Страв од родителство

Познатиот пар денес има три ќерки кои ги сакаат безусловно. Блејк отсекогаш сакала да биде мајка и била сигурна дека актерот ќе биде одличен татко.

Рајан, од друга страна, воопшто ја немал таа самодоверба. Наводно, актерот бил многу исплашен и не знаел дали ќе може да биде добар татко.

Неговиот пријател од детството се обидел да продаде фотографии од неговите деца

И Блејк и Рајан се обидуваат да ги држат децата понастрана од очите на јавноста.

Но, изгледа Рајан не треба да се грижи само за папараците, туку и за неговите пријатели.

Пред неколку години, неговиот пријател од детството се обидел да продаде фотографија од неговата најстара ќерка Џејмс. Рајан изјави дека бил многу повреден и дека прекинал секаков контакт со пријателот.

Ја запозна Блејк додека беше во брак со Скарлет Јохансон

Кога Блејк и Рајан се запознаа, актерот сè уште беше во брак со Скарлет. Лајвли, пак, тој период беше во врска со Леонардо ди Каприо.

Штом Рајан и Скарлет го финализираа разводот, Блејк раскина со Леонардо.

Ја започна холивудската кариера со неколку лоши филмови

Рајан не е горд на „The Green Lantern“. Но покрај овој, актерот се појави уште во неколку лоши филмови, вклучувајќи ги „The Change-Up“, „R.I.P.D.“ и „Captive“.

Не му оделе часовите по глума

Во средно, на Рајан воопшто не му оделе часовите по глума.

Штом Хју Џекмен, кој му е добар пријател, го дозна ова, веднаш ја искористи приликата да се шегува на негова сметка.

Венчавка на поранешна плантажа со робови

Рајан и Блејк се венчаа во 2012-та на плантажата Boone Hall во Јужна Каролина. Но, парот беше остро критикуван за изборот на локацијата.

Наводно, оваа плантажа има мрачна историја поради нејзината поврзаност со робовите.

Знаевте ли дека на оваа локација се снимени и делови од „The Notebook“?

Бескрајни гласини за развод

Блејк и Рајан постојано се под лупата на јавноста, а ова си има своја цена.

Парот безброј пати се соочува со гласини дека ќе се разделуваат, дека Блејк се гледа со ди Каприо, дека Рајан има афера со колешка од „Deadpool“…

Но, актерот редовно се шегува за овие гласини, докажувајќи дека врската со Блејк им е одлична.

Напад од јавноста поради држење на детето

Во 2015-та Рајан стана мета на многумина, откако Блејк објави слика со него и ќерката Џејмс.

На фотографијата се гледа Рајан кој погрешно ја држи Џејмс во носилка. Актерот беше остро критикуван поради ова, но подоцна се извини изјавувајќи дека првпат е татко и дека сите прават грешки.

Спирова С. | Црнобело