Имал 11 деца и ниту еден хит во САД - Сѐ што не знаевте за Боб Марли

За повеќето луѓе, Боб Марли е синоним за реге музика. Овој музичар со суканици беше познат во текот на неговиот живот, но откако почина во 1981 година, стана вистинска легенда.

Боб Марли на светот му ја покажа музиката од Јамајка, а во своите обожаватели всади желба за потрага по слобода, правда и, секако, љубов.

Во продолжение ќе се потсетиме на некои факти од неговиот живот за кои можеби не сте знаеле:

Боб Марли бил мелез

Поради неговите антиколонијални текстови и растафаријанизмот, многумина веруваат дека Марли бил црнец. Сепак, тоа не е целосно точно.

Неговата мајка имала темна боја на кожата, но таткото на Марли бил белец.

Марли некое време живеел во САД

Откако се оженил со Рита Андерсон во 1966 година, Боб Марли се преселил со неа во Вилмингтон, Делавер.

Неговата мајка живеела таму во тој период, а во наредните осум месеци, Марли бил вработен како асистент во лабораторијата DuPont и работник во фабриката Chrysler.

Боб Марли преживеал обид за убиство

На 3 декември 1976 година, седум вооружени лица влегле во домот на Марли во Кингстон и почнале да пукаат. Сопругата и менаџерот на Марли биле ранети, а славниот пејач бил застрелан во раката и градите.

Верувале или не, тој се појави на сцената во Кингстон само два дена по овој несреќен настан.

Интересно е што куршумот остана во раката на Марли до неговата смрт, бидејќи операцијата за негово отстранување била премногу ризична.

Боб Марли како изведувач никогаш немал хит во САД

Песната на Марли „Stir It Up“ изведена од Џони Неш се искачи на 12-то место на најдобрите синглови, а верзијата на „I Shot the Sheriff“ на Ерик Клептон во 1974 година беше на прво место.

Сепак, самиот Марли не се ни приближил до овој успех, барем кога станува збор за продажба на синглови во САД.

Боб Марли имал многу деца

Боб Марли имал многу доблести, но верноста не била една од нив. Тој редовно ја изневерувал Рита за време на нивниот брак, кој траел од 1966 година до неговата смрт во 1981 година.

Тие имаат три деца (Стивен, Дејвид и Седел), а Марли ги посвоил двете деца од првиот брак на Рита (Шерон и Стефани). Официјално, тој има уште шест деца (Роберт, Рохан, Демијан, Кимани, Џулијан и Карен) со исто толку различни жени.

Многумина сметаат дека и Имани и Мадек, за кои се верува дека се негови деца, треба да бидат додадени на списокот.

Ашера | Црнобело