„Важно е само колку луѓе сте измамиле - сите ќе се согласат дека сте успеале“ - мудрата мисла на Небојша Глоговац

Српскиот актер Небојша Глоговац почина од рак на 48 години, на 9 февруари, 2018 година. Тагата по популарниот актер не стивнува, затоа што пред сè останато, Глоговац беше човек во вистинска смисла на зборот.

А еве што кажал тој за денешното време и добрината:

Добрината во денешно време е презрена, односно обезвреднета. Сите тие возвишени и недопирливи вредности на човечкиот дух, како храброста, чесноста, верноста, безусловното пријателство и љубовта – денес се исмејуваат и не се популарни.

Важно е само колку луѓе сте измамиле. Ако сте измамиле многу луѓе и притоа сте заработиле, тогаш вие сте снаодливи и многу паметни. Со тоа добивате поени и никој нема да ве презира. Или ако доволно долго го правите тоа, дури и оние кои ве презирале на почеток, ќе се согласат со тоа дека сте успеале.

Денес тезите се заменети и во денешниот систем на вредности, добрината се граничи со глупавост. Тоа е погубно. И поради тоа ние ќе го платиме данокот, а тогаш ќе мораме да се вратиме на вистинските вредности, затоа што тие се единствениот темел на човечкото постоење.

Небојша Глоговац (30.08.1969 – 09.02.2018)

(О)Милена | Црнобело