Лоша мајка, пропаднати соништа - тажни моменти од животот на Џенифер Анистон

Ги мрази папараците

Малку славни се следени од папараците како Џенифер Анистон, па не е ни чудно што на актерката ѝ дошло „преку глава“. Во 2016-та, таа дури и јавно се огласи на оваа тема:

„Секој ден јас и сопругот сме нападнати од дузина агресивни фотографи наредени пред нашиот дом, кои ќе направат буквално сè за една фотографија“.

Губи сериозни улоги поради нејзиното резиме

Сите ја Анистон знаеме како Рејчел од Friends, но изгледа ова ѝ предизвикува проблеми во кариерата. Актерката речиси секогаш ги губи сериозните улоги, најмногу бидејќи режисерите сметаат дека не се нејзин „стил“.

„Јас велам ’Знам дека можам да ја одиграм оваа улога, само треба да ми дозволите‘, а потоа ми велат ’Не можам да ти дозволам да играш ваква улога бидејќи никогаш не сум те видел во ваква улога‘. Имаше многу улоги кои навистина ги сакав и за кои се борев, но им беа доделени на оскаровци“.

Проблеми со дислексија

Во едно интервју, актерката откри дека не чита многу бидејќи има дислексија. Нормално, ова имало огромно влијание врз нејзината самодоверба, најмногу бидејќи не била свесна за нарушувањето сè до нејзините 20-ти.

„Мислев дека сум глупава. Дека не можам да сфатам ништо. Сега го имам ова одлично откритие. Се чувствувам како сите трагедии и трауми од детството да ми се објаснети“.

Никогаш не стана вистинска „филмска ѕвезда“

Џенифер доби и Златен Глобус и Еми за улогата на Рејчел Грин. Па, ако се очекуваше некој од Friends да стане филмска ѕвезда, тоа беше Анистон.

Но, се чини дека таа е поголема ѕвезда во таблоидите отколку на филмското платно. Многу од филмовите што ги сними после серијата имаа ужасна заработка, лоши критики и не ги сакаше никој.

Се соочила со многу болка и загуби

Тешко е да минувате низ развод, но замислете како би било да слушате и гледате за вашиот развод каде и да се свртите. Ова ѝ се случи на Џенифер кога се разделуваше со Бред. Истовремено, актерката постојано се соочува со шпекулации за тоа дали е бремена, дали е сингл, дали нашла некој нов…

Во 2015-та актерката отворено прозбори за сето ова:

„Плачев многу. Се соочив со многу загуби. Секој кој почувствувал болка што го фрлила на колена знае како ми било“.

Спирова С. | Црнобело