Трикови со кои IKEA стана најпопуларната продавница за мебел во целиот свет

Можете да си дремнете на креветите

Нормално, ова не е за да одморите после работа, туку за да проверите дали тој кревет е совршениот за вас. Но, и да лежете подолго, никој нема да ви рече ништо. Само, имајте на ум дека постелнината на креветите не се менува, па сигурно нема да сакате да лежите повеќе од потребното.

Нема да најдете отворен продукт во IKEA

Освен изложените продукти во продавницата, во складот нема шанси да најдете нешто отворено. Вработените се особено внимателни кога ја редат робата и сите продукти се добро затворени. Во некои држави, ако налетаат на нешто отворено, вработените целосно го отстрануваат од продавницата.

Можете да враќате продукти и после 365 дена

IKEA им овозможува на купувачите да почекаат цела година пред да се премислат и да вратат нешто. За ова потребни ви се само лична карта и сметка. Нормално, ова не важи за сите работи што ги продаваат. На пример, ако сакате да вратите ќебе или перница, мора да го направите тоа во рок од 14 дена.

Понеделник и среда се најдобри денови за пазарење

Многу купувачи забележале дека во понеделник можете да најдете најмногу од работите што ги сакате. Наводно, причината е што повеќето луѓе ги враќаат предметите што не им се допаднале во текот на викендот, па во понеделник повторно ги има.

Многу муштерии забележале дека во среда, во продавницата има најмногу попусти, па овие два дена се најдобри за посета на IKEA.

Спирова С. | Црнобело