„Жената која не се шминка има превисоко мислење за себе“ - 10 цитати на култната модна икона Коко Шанел

Таа е креаторот на „малиот, црн фустан“ погоден за секаква пригода. Таа го создаде култниот парфем „Chanel nо.5“. Таа испиша сосема нова, свежа, модна историја, а нејзиното име го знае речиси секој човек на планетата.

фото: unsplash.com

Таа е Коко Шанел, а ова се нејзините незаборавни цитати:

На 20 години жената има лице кое ѝ го подарила природата, на 30 она кое го создала сама, а на 40 она коешто го заслужила.

Каде треба да ставите парфем? Онаму каде што сакате да бидете бакнувана.

Жената која не користи шминка има премногу високо мислење за себе.

Најдобар моден детаљ на секоја жена е згоден маж покрај неа.

Луѓето со добар вкус носат бижутерија. Сите останати мораат да носат злато.

Не се обидувајте да се подмладувате, на 50 години никој не е млад. Но, затоа на светот има многу 50-годишни жени кои изгледаат далеку попривлечно од младите, несредени жени.

Главната одлика кај една жена не е нејзината облека, туку убавите манири и мудроста.

Слободата – таа секогаш е во мода.

Жените облечени во светли тонови е тешко да ги доведете во лошо расположение.

Рацете се визит-картичка на секоја жена, нејзиниот врат е нејзината лична карта, а градите се нејзиниот пасош.

(О)Милена | Црнобело