„Жени, знајте ја вашата вредност!“ – цитати кои ја распламeнуваат меѓусебната поддршка на жените ширум светот

Дваесет и првиот век посекако го обележува претендирањето на силните и независни жени, жени кои цврсто веруваат во своите идеали и умеат да го истакнат своето „јас“.

Иако бројката на еманципирани жени во прогресивните општества секојдневно се зголемува, сепак, за жал низ светот сè уште постојат илјадници од нив кои секојдневно се потиснати и измачувани од „морално“ поставените нормативи.

Родовата дискриминација постои на сите нивоа. На работното место, каде што половите нееднаквости се туркаат под тепих, така што жените честопати се предмет на сексуално објективизирање, вознемирување и малтретирање.

Помогнете им на жените да се борат против својата кауза.

Почитувајте ги своите како и сите останати жени, ваши колешки, пријателки, членови на семејството.

Секојдневно инспирирајте ги да го ослободат духот на нивното ослободување.

И најважното од сè: „Жени почитувајте се меѓусебно! Никогаш не сомневајте се во вашата вредност и моќ и знајте дека ја заслужувате секоја шанса и можност во светот, за да ги остварите вашите сопствени соништа“.

Во продолжение, по повод Меѓународниот ден на жената - 8 Март, ви издвојуваме цитати кои сликовито ја распламенуваат меѓусебната поддршка на жените ширум светот:

„Феминизмот не постои за да ве направи силни. Вие сте веќе силни. Станува збор за промена на начинот на кој светот ја перцепира таа сила“.

„Жени, животот не се мери според бројот на вдишувања, туку според моментите кои ни го одземаат здивот“.

„Секоја жена која ги разбира проблемите со одржувањето на дом, е чекор близу до разбирањето на проблемите кои ги носи ’водењето на една држава’“.

„Нема ништо посилно од скршена жена која успеала повторно да се издигне себеси“.

„Треба да престанеме да ја сфаќаме важноста на нашиот глас дури откако ќе нè замолчат“.

„Каде што има жена, таму постои и магија“.

„Не постои ограничување на она што ние, како жени, можеме да го постигнеме“.

„Прашањето не е: ‘кој ќе ми дозволи?’, туку: ’кој ќе ме спречи?’“

„Приказната за борбата на жените за еднаквост не треба да припаѓа на ниту една феминистичка, ниту на која било друга организација, туку на колективните напори на сите оние кои се грижат за човековите права“.

„Жената е како вреќичка со чај: Никогаш не знаете колку е силна, сè додека не ја ставите во оган“.

„Бидете хероината на вашиот живот, а не жртва“.

„Најдобрата заштита што секоја жена ја поседува е храброста“.

„Не застанувај. Продолжи да одиш. Следниот пат кога некој ќе те натера да се чувствуваш како губитничка, тивко шепни му: ’Јас сè уште не започнав’“.

„Не дозволувајте општеството да нè програмира, преку навидум суптилните пораки на популарната култура, за да веруваме дека не сме навистина пожелни и вредни како жени, освен ако не се придржуваме до сегашните стандарди за физичка убавина. Секоја жена вреди непроценливо богатство“.

„Убавината е во внатрешната светлина, духовниот сјај кој го поседуваат сите жени. Не дозволувајте ништо да ве натера ниту за момент да го негирате нејзиното постоење.“

Мила М. | Црнобело / фото: depositphotos.com