Членовите од семејството имаат различни презимиња и уште 13 забавни факти за Исланд


Членовите од семејството имаат различни презимиња и уште 13 забавни факти за Исланд

Исланд е мала островска држава во Европа, со само околу 300.000 жители. Но иако е мала, оваа држава крие многу неверојатни работи – од волшебни и надреални пејзажи, сè до интересни култура и начин на живот.

chlenovite-od-semejstvoto-imaat-razlichni-preziminja-i-ushte-13-zabavni-fakti-za-island-01.jpg

Во продолжение погледнете неколку забавни факти за Исланд кои сигурно не сте ги знаеле:

Имаат семафори со срциња

Во градот Акурејри, наместо црвени кругови, семафорите имаат срциња за црвеното светло. Наводно, овој проект бил реализиран во 2008-ма, за време на финансиската криза. Сакајќи да им го подобрат расположението на жителите, локалните власти го промениле изгледот на семафорите.

zabavni-fakti-za-island-03.jpg

Апликација за состанување со интересна опција

Исланд е мал остров со население од околу 360.000 жители, па неретко луѓето имаат роднини за кои воопшто не знаат. Имајќи го ова предвид, во Исланд била развиена апликација за состанување, со која корисниците можат да проверат дали некоја личност им е роднина. Апликацијата користи податоци од веб-сајт на кој се впишани сите Исланѓани, заедно со нивните роднински врски.

zabavni-fakti-za-island-04.jpg

Сите членови на едно семејство можат да имаат разни презимиња

Кај нас, како и во многу други држави, децата го наследуваат презимето на таткото и обично сите членови на семејството имаат исто презиме. Но, во Исланд нештата се поразлични. Овде, кога пар ќе стапи во брак, жената го задржува своето презиме. Кога, пак, ќе добијат дете, неговото презиме е името на мајката или таткото, со додаден суфикс – „son“ за машки и „dottir“ за женски. Суфиксите во превод значат „син“ и „ќерка“.

zabavni-fakti-za-island-05.jpg

Имаат збор кој значи „патување за сладолед“

Жителите на Исланд сакаат да јадат сладолед, без разлика на годишното време. Нивната љубов кон сладоледот е толку голема, што тие имаат збор - ísbíltúr - кој може да се преведе како „патување за сладолед“. Односно, зборот означува патување од едно до друго место, со цел да пробате различни сладоледи од различни места.

zabavni-fakti-za-island-06.jpg

Во Исланд можете да пливате помеѓу две тектонски плочи

Во Исланд се наоѓа единственото место на Земјата каде што можете да пливате помеѓу две тектонски плочи. Кога ќе застанете меѓу нив, вие буквално ќе се наоѓате помеѓу тектонските плочи на два различни континенти – Северна Америка и Евроазија.

zabavni-fakti-za-island-02.jpg

Овде беше избрана првата жена претседател во светот

Вигдис Финбогадотир е поранешна претседателка на Исланд, но и првата жена претседател во светот. Пред изборите во 1980-та, феминистките од државата се фокусирале на тоа да добијат жена претседател. Истата година, Вигдис беше во трка против тројца машки кандидати и победи на изборите. Поле првиот мандат, таа се кандидира и победи уште еднаш, овојпат без конкуренција. Таа победи и на изборите во 1988 и 1992 година.

zabavni-fakti-za-island-07.jpg

Немаат McDonald’s ресторани

Првиот McDonald’s во Исланд бил отворен во 1993-та, а во 2009-та беше затворен последниот ресторан од синџирот во државата. Откако во Исланд се отвориле Burger King и KFC, жителите изгубиле интерес за McDonald’s, а големо влијание имала и кризата во 2008 година.

zabavni-fakti-za-island-08.jpg

Продолжува на следната страница...



Би можело да ве интересира:

Бил 5 години во брак: Факти за Ден Хортон, новото момче на Лејди Гага 37-годишниот сексапилен Ден Хортон го освои срцето на Гага, но кој е всушност то...
Инспиративни цитати за секоја нова мајка и нејзиното тело по породувањето Без оглед како и да се породила, телото на мајката во најголем број случаи веќе ...
Чилеанците имаат четкичка за заби на работа и уште 5 факти за животот во Чиле Што можеме да научиме од Чилеанците? При изборот на сопруга поважно е дали женат...

Најчитани неделава

sonovnik-sidebar.jpg