10 неверојатни мисли на Софија Лорен за животот, љубовта и сексот

Култната италијанска актерска икона Софија Лорен наполни 86 години и сè уште е кралица на декаденцијата. Таа едноставно го има „она нешто“ коешто не се опишува со зборови и не се купува. Или го имаш или го немаш, а Лорен го има дури и отповеќе.

Зад неа има импресивна кариера, илјадници насловни страници во престижни списанија, многубројни кампањи за познати брендови. Нејзиното присуство е магнетско, нејзината убавина ретка и вонсериска.

Таа е вистинска жива легенда во светски рамки, а ова се нејзините 10 најпознати мисли за различни аспекти од животот:

За храната и гурманството

„Сè што гледате им го должам на шпагетите“.

За мајчинството

„Кога си мајка, никогаш не си вистински сама со своите мисли. Мајката секогаш мисли двапати, еднаш за себе и еднаш за своето дете“.

За убавината

„Убавината е како се чувствуваш во себе и се отсликува во твоите очи. Не е нешто физичко“.

За привилегираниот живот

„Двете најголеми предности што сум ги имала од раѓање е тоа што сум се родила мудра и што сум се родила сиромашна“.

За сексапилноста

„Сексапилноста е 50% од она што го имаш и 50% од она што луѓето мислат дека го имаш“.

За неуспехот

„Грешките се дел од давачките што човекот ги плаќа за живеење на исполнет живот“.

За успехот

„Напредувањето во тешка професија бара страсна верба во себеси. Затоа некои луѓе со просечен талент, но со голема внатрешна желба, одат многу подалеку од луѓето со супериорен талент“.

За образованието

„Погрешно е да мислите дека штом сте завршиле со училиштето ќе немате потреба да научите ништо ново“.

За болката

„Никогаш не сум се обидела да ги избришам спомените од минатото, иако некои се болни. Не ги разбирам луѓето што се кријат од своето минато. Сè што сте проживеале досега ви помогнало да станете личноста којашто сте“.

За модата

Женскиот фустан треба да биде како бодликава жица: да ѝ послужи на целта без да го попречува погледот“.

(О)Милена | Црнобело