Отровни фустани, црни заби: Бизарни трендови за убавина од минатото

6. Во некои африкански и азиски култури, нереално долгиот врат се смета за многу привлечен, а за да се постигне овој ефект, жените, на некои места и мажите, носат прстени.

Девојчињата почнуваат да ги носат прстените пред пубертет за телото да им се развие заедно со нив и да им се издолжи вратот. Ова издолжување на вратот се практикува и денес и покрај тоа што многумина сметаат дека е сурово.

7. Порано во Јапонија, но и некои други азиски држави, луѓето си ги боеле забите црни.

Во Јапонија овој тренд е познат како охагуро и на почетокот бил знак дека личноста станала возрасна. По некој период црните заби биле симбол за аристократија и благородништво. Наводно, и денес ако прошетате низ Кјото можете да налетате на личност со црни заби.

8. Порано во европските земји белата кожа била знак за убавина, па луѓето, и мажи и жени, си ги избелувале лицата со боја.

Можеби веќе претпоставувате дека оваа боја била штетна бидејќи ја правеле од олово, па често им предизвикувала кариес, главоболки, паѓање на косата, па дури и смрт.

9. Во 19-тиот век мажите носеле цврсти крагни како моден додаток кои им го отежнувале дишењето, а некогаш и ги убивале.

Имало случај во 1888 година, кога еден маж се опил, заспал на клупа во парк и бидејќи во сонот ја наведнал главата, крагната го задушила и умрел.

10. Лудиот шапкар од Алиса во Земјата на чудата не си го добил името случајно. Во 18-тиот и 19-тиот век шапкарите користеле опасна хемикалија за изработката на шапки која им предизвикувала симптоми како тресење, екстремна срамежливост и раздразливост.

Односно, во очите на другите изгледале како да се луди. Во англискиот јазик има и израз инспириран од ова - Луд како шапкар.

Спирова С. | Црнобело