Има опсесивно-компулсивно нарушување, првата жена го оставила заради алкохолизам - Факти за Алек Болдвин

Страда од опсесивно-компулсивно нарушување. Тој во 2005-та откри дека сам си ја дијагностицирал состојбата, затоа што забележал дека често му се случувало да ги пропушти авионските летови, затоа што морал сè да подреди во домот пред да излезе.

Зависник е од електронски уреди. Во 2011-та година поради него беше одложен лет, откако тој одбил да го исклучи телефонот затоа што не ја довршил играта Words with Friends.

Разводот со Ким Бесинџер во 2002-та беше топ-тема во медиумите. Тие стапиле во брак во 1993-та година, а по 9 години Ким поднела документи за развод, поради проблемот со алкохолизам на актерот.

Според Алек, Ким потрошила вкупно 1,5 милиони долари, само за да ја задржи нивната ќерка Ирланд подалеку од него.

Беше вклучен во уште еден скандал за време на битката за старателство кога беше објавена гласовна порака во која се слуша како тој ја нарекува тогаш 11-годишната ќерка „невоспитана, безобѕирна мала свиња“.

По ова тој тврдеше дека бил на терапија што му помогнала, а главната цел на неговата поранешна сопруга Ким Бесинџер била да го уништи.

Алек стапи во брак со Хиларија Болдвин (37) во 2012-та година. Со неа има шест деца - Кармен Габриела (8), Рафаел Томас (6), Леонардо Ангел Чарлс (5), Ромео Алехандро Давид (3), Едуардо Пао Лукас (13 месеци) и Марија Лучија Викторија (8 месеци).

Има забрана за влез на Филипините. Сè започнало кога јавно изјавил дека би сакал да си купи сопруга од Филипините, по што следеше забрана за негов влез во државата.

Б. С. Б. | Црнобело