Става ботокс на секоја нова брчка, била во врска со холивудски актер – Факти за Катарина Радивојевиќ, позната како Зоне

Сонот да се пресели во САД, конечно ѝ се остварил во 2015-та година кога добила зелена карта преку Лотаријата на американската влада за имигранти. Тоа било четвртипат да учествува на лотаријата, а претходно во САД престојувала само со работна виза.

За Катарина е познато дека сака да посетува нудистички плажи, па со години наназад ја посетувала плажата Ада Бојана во Црна Гора, каде биле направени нејзини разголени папарацо фотки.

Кога станува збор за љубовните врски, Катарина била поврзувана со поголем број мажи. Црногорскиот бизнисмен Вук Мишковиќ, историчарот на уметност Видоје Ристовиќ, рускиот тајкун Михаило Ходоровски се само некои од нив.

Во 2017-та година Катарина призна дека во 2011-та година во САД заминала и заради романсата со холивудскиот актер Бенисио дел Торо (54) кој e 13 години повозрасен од неа.

Наводно се разделиле затоа што таа сакала нормално и здраво семејство, а била свесна дека со него нема да го добие тоа заради славата.

Истата година таа откри дека замрзнала јајце-клетки во една клиника во Белград и дека се надева дека еден ден да стане мајка.

Катарина во моментов е вработена во српската амбасада во Њујорк, а во Белград се враќа службено. Како што вели, среќно е немажена и сè уште не ја пронашла вистинската љубов.

Б. С. Б. | Црнобело