Катарина, која ја играше Зоне, не ја пронајде љубовта: „Среќно немажена сум, спас најдов во верата“

Детали

недела, 11 април 2021

Пред повеќе од 10 години актерката Катарина Радивојевиќ, која сите ја помниме по култната улога на Зоне во филмот „Зона Замфирова“, се пресели во САД каде продолжи да работи како актерка, а сега отворено зборува за својот приватен живот и љубовта која не ја пронашла.

Како што пишува српскиот портал „Стори“ таа прво живеела во Њујорк, потоа во Лос Анџелес, а од неодамна како вработена во Српската Амбасада во целост се пресели во Њујорк.

https://www.instagram.com/p/CIhVkH6FVNE/?utm_source=ig_web_copy_link

Таа вели дека нејзиниот живот сега е во САД, а во Белград се враќа само службено. Така, кон крајот на минатата година се врати во Србија и престојува таму неколку месеци поради работата на серијата „Ljubav ispod zlatnog bora“.

Серијата се снимала на Златибор, а таа во интервјуто открива дека двомесечниот престој во планина ѝ дошол добредојдено, затоа што претходно прележала ковид-19, па така воздушната бања ѝ помогнала за брзо закрепнување.

https://www.instagram.com/p/CL_9wSbBoO6/?utm_source=ig_web_copy_link

„Ја толкувам улогата на Бојана, естетски хирург, која на денот на роденденот, го затекнува сопругот во кревет со друга жена. Не ни насетувајќи дека под чаршафот се крие нејзината најважна соработничка таа заминува на планина каде наоѓа нова љубов“, ја појаснува Катарина нејзината улога во серијата.

https://www.instagram.com/p/CHwDTENFgn9/?utm_source=ig_web_copy_link

На прашањето кога таа би го пишувала сценариото, каква би била улогата на Бојана по емотивното разочарување, какво сценарио би ѝ напишала, Катарина вели:

„Досега не сум имала слично искуство, затоа што никогаш не сум се омажила. Среќно сум немажена, па може да се каже дека избегнувам вакви сценарија. Шега на страна, но предавството на тоа ниво е мошне болно. Луѓето често не може да се справат со такво нешто“, вели таа.

https://www.instagram.com/p/CE-DOYZlL4a/?utm_source=ig_web_copy_link

Верата била особено важна за Катарина во првата година кога се преселила во САД, затоа што немала луѓе околу неа и не го познавала добро јазикот. За тоа колку ѝ е важно да е свртена кон Бога таа ќе каже:

„Тоа го прави мојот идентитет. Мислам дека ме издвојува и ме прави своја. Верата секогаш ми дава сила кога ми е најтешко. Секогаш им велам на луѓето овде (во Србија) дека има причина зошто сме родени како православни. Би сакала за следните празници да бидам со родителите“, вели таа.

За крај открива дека во целост го отфрлила практикувањето кундалини јога и се вратила кон „корените“, кон православната религија. Како што вели, јогата, медитацијата и пеењето мантри го заменила со христијанската молитва.

Б. С. Б. | Црнобело