Шетаат во пижами и уште 9 чудни навики на локалците во Виетнам

Виетнамците го обожаваат кафето и овде можете да ги најдете најчудните вкусови – од кафе со сол, па сè до кафе со јогурт.

Виетнам е држава во југоисточна Азија со население од над 90 милиони луѓе.

Во оваа земја можете да видите некои од најубавите плажи и дестинации кои се создадени за уживање и релаксација.

Покрај природните убавини, за сите туристи мошне интересен е и начинот на живот на Виетнамците, нивната култура, нивните обичаи и верувања.

Неколку забавни детали од секојдневието на Виетнамците што можеби ќе ви звучат чудно:

Мали пластични маси и столчиња за јадење

Едно од првите нешта што го забележуваат туристите во Виетнам се малите пластични маси и столчиња кои се поставени за јадење на местата каде што се продава храна.

Најголемата причина за овие маси и столчиња е фактот што лесно можат да се соберат. Во Виетнам многу луѓе, без разлика на нивното работно место, знаат да продаваат храна во еден период од денот.

Ако некој, на пример, има продавница, а напладне продава и оброци за ручек, ќе може набрзина да ги нареди малите маси и столчиња, а потоа и брзо да ги собере од улицата.

Домовите и градбите се многу тесни

Во Виетнам, особено во главниот град Ханој, можете да видите многу згради со навистина тесни станови. Овие домови се познати како „nha ong“, што може да се преведе како „цевчести куќи“.

Носењето пижами во јавност е норма

Знаевте ли дека во Виетнам пижамите се вистински хит за секојдневно излегување?

Локалците си купуваат пижами со интересни дезени, а неретко си прават и комбинации со маици и кошули.

Келнерите не сакаат бакшиш

Виетнамците не сакаат да им давате бакшиш, а некогаш можат да го гледаат ова и како навреда.

Сепак, во поново време ова важи само за руралните средини. Во градовите, давањето бакшиш на келнерите станува сè почесто, најмногу поради туристите.

Во лето, жените го покриваат целото тело

Жените во Виетнам сериозно си ја зафаќаат заштитата од сонце, па во лето, кога температурите се многу високи, тие носат и по неколку слоеви облека само за да ја заштитат кожата.

Ништо чудно во најтоплите денови од годината да забележите жена со долги ракави, блузон, ракавици, марама и што уште не низ улиците на виетнамските градови.

Продолжува на следната страница...