Кафе се плаќа со добро дело и уште 9 забавни, но необични факти за животот во Чешка

Жените сакаат помлади мажи и нормално гледаат на разликата во години, 2/3 од населението бере печурки, а има кафуле во кое може да си купите кафе правејќи добро дело наместо давајќи пари – интересни факти за Чешка кои не сте ги знаеле.

Чешка е популарна туристичка атракција во Европа од многу причини – земјата изобилува со прекрасни пејсажи, можете да видите многу замоци, но и да вкусите прекрасни специјалитети.

Сепак, како и за секоја друга земја, и за начинот на живот во Чешка постојат работи што нам ни се чинат необични, а таму се сосема нормални. 

Во продолжение дел од нив:

Можете да „платите“ за кафе со добро дело

Во чешкиот град Брно има „подвижна“ кафетерија каде што можете да „платите“ за шолја кафе со добро дело.

Кафетеријата има табла со предлози за добри дела, како посета личност во болница, донирање симболична сума пари и слично. Можете да си одберете добро дело од нивната листа или да додадете некое ваше и добивате бесплатно кафе.

Најинтересно е што целиот концепт е заснован на доверба – никој нема да провери дали сте го направиле доброто дело за коешто ви дале кафе.

Шоуата со марионети се важен дел од културата

Низ градовите во Чешка можете да налетате на многу шоуа со марионети. Овие шоуа почнале да се појавуваат во средината на 18-тиот, а станале многу популарни во средината на 19-тиот век.

Најчесто станува збор за улични изведувачи кои патуваат од еден до друг град, но можете да изгледате вакво шоу и во некој театар.

Жителите преферираат лежерна облека, освен кога одат во театар

Луѓето во Чешка ја сакаат модата, но предност ѝ даваат на удобноста. Па, тие скоро секогаш носат лежерна облека, но сакаат да облечат нешто поформално кога одат во театар.

Берењето печурки е многу популарно

Чесите берат печурки со векови и ова веќе им е како традиција. Се верува дека барем две третини од населението оди да бере печурки барем еднаш во годината.

Во повеќето шуми каде што има печурки за јадење пристапот им е дозволен на сите, и тоа бесплатно, а сезоната на берење почнува во јули и завршува во август.

Ако сакате да ја пробате оваа активност, побарајте и искусен берач бидејќи е лесно да ги помешате отровните видови со оние кои се безбедни за јадење.

За жените е нормално да имаат многу помлади партнери

Многу познати жени од Чешка, но и многу „обични“ имаат значително помлади момчиња и сопрузи.

Штом и двајцата партнери се возрасни, на Чесите не им е грижа колкава е разликата во години помеѓу нив.

Уште пет факти на следната страница...