Од професор со плата од 15 долари до милионер – Приказната за успехот на Џек Ма, основачот на „AliExpress“

Со позајмени 2.000 долари Џек ја започнал компанијата China Yellowpages иако не знаел ништо за компјутерите, а вели дека не знаел дури ниту сам да си провери мејл.

По неколку неуспешни обиди да ја однесе компанијата во вистинска насока, во 1999-та година собрал 18 луѓе во неговиот стан и 2 часа им ја презентирал неговата визија. Сите донирале колку што имаат пари и така собрале 60.000 долари за да ја основаат „Алибаба“.

Иако целата идеја за компанијата била на Ма, тој од самиот почеток другите 18 лица што му помогнале ги назначил како ко-основачи што им донело огромно богатство откако се развила компанијата.

Џек Ма ја запознал неговата сопруга Жанг Јинг додека уште бил студент и откако дипломирале стапиле во брак. Додека тој се обидувал да започне свој бизнис таа останала да работи како професорка по англиски јазик. Во една прилика таа кажа дека „тој не е згоден маж, но дека ја освоил затоа што може да направи многу работи што згодните мажи не можат да ги направат“.

Во 2019-та година Џек се пензионира од Алибаба, а по тој повод одржа рок-концерт во кој беше облечен во кожена јакна, со перика и очила за сонце, а на присутните им пееше популарни кинески поп-песни.

Б. С. Б. | Црнобело