Измамници му украле милиони, афера со Мишел Фајфер – Факти за Џон Малкович, актерот кој ќе гради филмски студија во Скопје

Малкович верувал дека ќе продолжи да се занимава со спортот, но затоа што му се допаѓала една девојка што одела во драмска група, одлучил и тој да почне да се занимава во глума.

За време на периодот додека бил на колеџ, Џон не бил цврсто убеден дека ќе продолжи да се занимава со глума. Во тоа време работел како возач на автобус, се обидел да студира биологија и социологија, па се префрлил на театарска игра, за на крај целосно да се откаже од факултетот и да ја основа театарската група Steppenwolf.

Во својата актерска кариера Џон играл во над 70 филмови, а освен како актер се остварил и како режисер. Во 2003-та година го основал модниот бренд Mrs. Mudd. Има свои ресторани во Лисабон.

Во периодот од 1982-та до 1988-та година бил во брак со актерката Глен Хедли со која се развел откако имал афера со Мишел Фајфер.

Во 1989-та година почнал да се гледа со Николета Пејран, со која доби две деца, Амандин и Луи и со која сѐ уште е заедно.

Во 2008-ма година Џон беше во центарот на јавноста откако ја загуби животната заштеда во финасискиот скандал Медоф. Во интервју тој кажа дека не знае колку точно пари изгубил, но проценките се дека останал со 50 милиони долари помалку.

„Мислам дека не е важно колку пари изгубивме. Само направивме промени во начинот на живот и бевме повнимателни со трошењето. Морав да барам поплатени проекти во некој период од животот и да работам постојано“ – рече Џон.

Сега, 14 години подоцна Џон повторно има богатство од околу 25 милиони долари, а освен што во последните неколку години играше во повеќе филмови и серии, тој сѐ уште е сопственик на ресторанот во Лисабон. Очигледно повторно планира да отвори филмски студија и да продуцира нови филмови, по најавената вест за Скопје.