Ја натерале да се омажи за да не остане сама, позната е и по тоа што „не старее“ и на 70 години – Факти за Вера Ванг

Вера во една прилика призна дека голем број од нејзините пријатели, меѓу кои Ралф Лорен и Ана Винтур почнале да ја советуваат дека треба да стапи во брак и да не остане сама цел живот.

Така таа на возраст од 39 години во 1989-та година се омажила за Артур Бекер – инвеститорот за кого се верува дека одиграл мошне важна улога во тоа да ја направи една од најславните дизајнерки на сите времиња.

„Некој да ми речеше дека јас ќе бидам таа девојка што нема да се омажи до 40 години, а ќе изгради бизнис заснован на венчаници, ќе се смеев. Сите веруваа дека цел живот ќе останам сама“ – рече таа во една прилика.

Интересно, но токму додека ја подготвувала сопствената свадба, Вера одлучила што е она што навистина сака да го прави. Не можејќи да најде венчаница што ѝ се допаѓа, таа одлучила дека сака да креира такви модели.

Она што е најинтересно за неа е што таа уште на самиот почеток почнала да ги прекршува традиционалните правила.

Црна венчаница или венчаница во која било боја, па одлучи и дека жените не мора да ги кријат рацете и направи вечерна тоалета без ракавици.

Во една прилика таа направи колекција венчаници направени од материјал што една година бил потопен во чај.

Токму затоа се верува дека Вера Ванг денес е можеби најпозната како креаторка на најголемиот број венчаници за славните, а дури и Џеј Ло требаше да носи нејзина креација на свадбата што никогаш не се случи во 2002 година.

На приватен план Вера беше во брак со сопругот Артур Бекeр сѐ до 2013-та година, или речиси 23 години, а во 1990-та година, заедно посвоија и две ќерки, Сесилија и Џозефин Бекер. Вера и по разводот остана мошне блиска со ќерките, а во една прилика откри дека и со сопругот се во пријателски односи.

Со оглед на тоа што Вера е авторитет во светот на високата мода, нејзините ќерки никогаш не носеле скапа и брендирана облека. Напротив, таа ги облекувала во облека купена во сите поевтини продавници затоа што не сакала тие да отскокнуваат од средината.

Б. С. Б. | Црнобело