Тежок е 164kg, а крена тег од 500кg: Факти за Еди Хол, некогашниот најсилен човек на светот

Во 2016 година, Еди Хол успеа да крене тег од дури 500 килограми, а следната година беше прогласен за најсилниот маж во светот. Откако најави дека ќе се пензионира од вакви натпревари поради проблеми со здравјето, Еди ја започна својата боксерска кариера.

Еди Хол (35) стана светски познат откако беше прогласен за најсилниот маж во светот во 2017 година. Исто така, тој е првата личност во светот која успеа да крене тег од неверојатни 500 килограми.

Во 2017 година тој најави дека ќе мора да намали со тренинзите поради здравствени проблеми, но уште е активен на Инстаграм каде што го следат 3,6 милиони корисници, а има и релативно нова боксерска кариера.

Во продолжение неколку забавни факти за животот на Еди Хол:

Еди е роден во 1988 година, а во тинејџерските години почнал да се занимава со пливање. На 15 години бил избркан од училиште, по што продолжил со домашно образование до крајот на средно.

Бодибилдерот има откриено дека сонувал да стане професионален пливач, но морал да се откаже од овој сон откако го избркале од училиште. Овој период Еди имал сериозни проблеми со анксиозност.

Во 2008 година работел како механичар, а тој период почнал интензивно да вежба во теретана и да се пријавува на натпревари за покажување сила.

Во 2011 година, Еди беше прогласен за најмускулестиот маж во Обединетото Кралство.

Во 2015 година, Еди беше дел од натпреварот за најсилен маж во светот, но тогаш стигна само до четврто место.

Продолжува на следната страница...