Збогување со нејзиниот принц: Кралицата ја објави омилената фотка со сопругот неколку часа пред погребот
По желба на кралицата, Бакингемската палата ја објави нејзината омилена фотка со сопругот, неколку часа пред да се збогува за последен пат од принцот Филип по 73 години брак.
Во 16 часот ќе започне церемонијата за погреб на принцот Филип, кој почина на 9-ти април, на 99-годишна возраст, мирно во својот дом во Виндзор.
Цвеќиња послани пред капелата St. George
Кралицата го загуби својот сакан сопруг по 73 години среќен брак, а нејзина желба била со јавноста да ја сподели омилената фотка со него, неколку часа пред последното испраќање.
На фотографијата направена во 2003-та, парот е на летен одмор, а насмевките на нивните лица кажуваат повеќе од сите зборови со кои би се опишал еден среќен момент.
Во сосема природно и опуштено издание, парот уживал на пикник:
The Queen wishes to share this private photograph taken with The Duke of Edinburgh at the top of the Coyles of Muick, Scotland in 2003.
📷Photograph by The Countess of Wessex. pic.twitter.com/CE030Ux0UB-->— The Royal Family (@RoyalFamily) April 16, 2021
М. М. | Црнобело