Виц на денот: Мујо против најсовремениот компјутер на светот

Научниците измислиле најпаметен компјутер на светот – ги знае одговорите на сите прашања.

На тестирањето довеле еден американец, еден французин и Мујо, па им рекле секој да постави по едно прашање, за да видат дека компјутерот ги знае сите одговори.

Прв поставил прашање американецот:

- Колку тони бетон е вградено во Статуата на слободата во Њу Јорк?

Засветкале сијалиците и на компјутерот се појавил одговорот.

- Види, точен одговор!

Следен прашање поставил французинот:

- Колку штрафови се вградени во Ајфеловата кула во Париз?

Повторно се запалиле сијаличките и се појавил одговорот. Погледнал французинот и рекол:

- Види, точен одговор!

Дошол Мујо на ред. Седнал тој пред компјутерот и операторот му рекол:

- Постави некое прашање.

Го гледа Мујо компјутерот и се чуди.

- Незнам што би го прашал!

Операторот му вели:

- Прашај го било што.

Повторно Мујо го гледа компјутерот и не прашува ништо. Тогаш операторот му рекол:

- Слушај, одам јас да се напијам кафе, а ти смисли прашање.

Се враќа операторот после половина час и го гледа компјутерот, на него се запалиле сите сијалици, трепкаат, а од него летаат листови хартија. Притрчал операторот, го погледнал Мујо, па го прашал:

- Што го праша?

Ништо – одговорил Мујо – само му реков: Што има брат?