Двејн Џонсон стана меме поради смешната перика во Moana: „Мене уште ми изгледа ќелав“

„Му ја ставиле првата перика што им била при рака и почнале да снимаат“, гласи еден од многуте коментари за изгледот на Двејн Џонсон во новиот трејлер за играниот филм Moana.

Неодамна Дизни го сподели новиот трејлер за играниот филм Moana, направен според истоимениот анимиран филм.

Во анимираниот филм, Двејн Џонсон го позајмуваше гласот за едниот од главните ликови, а сега си ја репризира улогата.

Иако трејлерот не изгледа лошо, еден детаљ го направи мета на шеги – периката на Двејн Џонсон.

Во филмот, Двејн, познат и како The Rock (карпа), го глуми полубогот Мауи кој, пак, има долга и бујна црна коса.

Па, нормално, актерот носи перика, но повеќето се согласуваат дека изгледа комично.

Кога ќе се земе предвид дека Дизни вложува и по 200 милиони долари за своите играни филмови, периката на Двејн е уште посмешна.

Социјалните мрежи веќе се преплавени со шеги, но и критики за смешниот изглед на актерот.

„Му ја ставиле првата перика што им била при рака и почнале да снимаат“, гласи еден од многуте коментари.

Некои беа покреативни, па го претворија Двејн со периката и во меме.

Дел од најсмешните твитови:

„На кој му стои подобро?“

„Не можам да објаснам, но мене уште ми изгледа ќелав“

„Другар ми Веб повеќе личи на Мауи од Двејн Џонсон“

„Ова не е Мауи, ова е само Двејн Џонсон со перика“

„Како може Мадеа (лик на Тајлер Пери) да има подобра перика?“

„Карпата (The Rock)“

„Здраво Двејн!“

Спирова С. | Црнобело