„А ти кога ќе се разведеш?“ – Македонци откриваат како ги замолчуваат сите што ги прашуваат кога ќе се мажат/женат

Меѓу најнепријатните прашања што можат да ви ги постават роднините се: „Планираш ли да родиш дете, па веќе остаре?“ и „Кога ќе се мажиш/жениш?“.  Што им одговарате?

Повеќето од нас се нашле во ситуација некој роднина да ви постави непријатно прашање за вашиот живот: „Ќе се жениш? Планираш ли деца?“.

Зависно од тоа колку некој ви е близок, можете да решите да премолчите, само да се насмеете или да бидете груби - бидејќи веќе ви е преку глава да ве прашуваат за одлуките што ве засегаат само вас, а не и вашите блиски (или подалечни) роднини.

Направивме кратка анкета на Инстаграм и прашавме:

„Како им одговарате на блиските кога ќе ве прашаат дали имате намера да се мажите/жените“.

Во продолжение погледнете ги одговорите на анкетата...

1. Рано ми е.

2. Среќа веќе не прашуваат, кренаа раце од мене.

3. Да, имам!

4. Никогаш!!!

5. Ич да не се секирате за мене, мој живот – моја одлука.

6. Вие кога ќе се разведете?

7. Чекав вие да ми кажете за да ми текне дека треба да се мажам.

8. Геј сум, истополови бракови не се дозволени во Македонија.

9. Никогаш ли нема да престанете да ме прашувате кога ќе се женам?

10. Вие да не се замарате со тоа!

11. Уште ја чекам вистинската.

12. Не знаете? Па јас сум веќе две години во брак.

А како вие одговарате на ова прашање? Пишете ни во коментар.

А. Ј. | Црнобело