Родила 69 деца и позната е како „најплодната жена“ во историјата - која била Валентина Василиева?

Во период од 40 години се породила 27 пати и станала мајка на 69 деца. Се верува дека „најплодната жена“ во историјата неколкупати родила тројки и четворки и денес луѓето се збунети како по толку многу бремености и породувања таа успеала да дочека старост од 75 години. Која била Валентина Василиева, Русинката што донела 69 деца на свет?

Гинисовата книга на рекорди е полна со неверојатни достигнувања, но вистинитоста на едно од нив предизвикува сериозни сомнежи кај многу луѓе. Станува збор за рекорд на жена која наводно родила 69 деца во животот и која била сопруга на извесен селанец Фјодор Василиев.

Валентина Василиева е родена во Русија во 1707 година. Не се знае многу за нејзиниот ран живот, но подоцна ќе стане позната како најплодната жена во историјата.

Таа се омажила двапати и родила неверојатен број деца - повеќе од која било друга жена во запишаната историја.

Ако им веруваме на историските документи, Валентина Василиева родила 27 пати помеѓу 1725 и 1765 година, односно станала мајка на 69 деца во период од 40 години.

Според евиденцијата на селото Василиевское во Русија, се верува дека Валентина Василиева имала вкупно 69 деца, иако некои извори сугерираат дека бројот можеби бил дури 87.

Таа имала повеќе групи близнаци и тројки, како и неколку групи четворки и петорки. Сепак, многу од нејзините деца не го преживеале детството, а се знае дека само 16 доживеале полнолетство.

Воспитувањето толку многу деца мора да било огромен предизвик, особено во ера кога современите удобности и медицинска нега не биле достапни.

Се вели дека Фјодор живеел со Валентина додека таа можела да раѓа деца, а кога таа ја изгубила оваа можност, како веќе постара личност, тој се оженил по втор пат - а неговата нова сопруга му родила уште 18 деца.

Главен извор на информации за оваа историја се монашките записи. Од записите произлегува дека во 1782 година Фјодор Василиев бил татко на 87 деца. Во тоа време, Федор веќе имал 75 години, а од сите деца, 82 преживеале.

Во 2015 година, Би-Би-Си спроведе повторна истрага и откри дека Валентина Василиева морала да биде бремена 18 години за да се породи 27 пати.

Во исто време, прилично е сомнително дека таа би можела да роди две, три, па дури и четири деца без никакви компликации.

Ако зборуваме за тоа какви биле шансите за успешно раѓање на крајот на 18 век, дури и да се работи за нормална бременост со едно дете - шансите се навистина мали.

Денешната медицина дозволува предвремено родените бебиња да се родат здрави (а тројки и четворки скоро секогаш се раѓаат предвреме), но и денес секоја бременост и породување е ризик за здравјето на жената. Затоа, сосема оправдано се поставува прашањето: „Како ли оваа жена го преживеала сето ова?“

Сепак, Василиева успеала да доживее 76 години, што само по себе е навистина импресивно.

И покрај нејзиното импресивно репродуктивно досие, животот на Валентина Василиева е обвиткан со мистерија, а многу детали е тешко да се проверат. 

M. Г. | Црнобело / фото: pinterest.com